Baucau – Horseik loraik, 15 Juñu,  reprezentante sira husi komunidade sdb no fma Timor nian, halibur hamutuk iha Baucau atu hari’i fali estrutura Mjs nian; pe. Manuel Pinto koordena enkontru ida ne’e hamutuk ho ir. Alma Castagna no mós pe. Alarico Sarmento no padre no irmán seluk tan.

 

Foin-sa’e sira ne’e sai membru sira Konsellu Nasionál MJS nian: iha momentu ida ne’e seidauk iha reprezentante nasionál husi grupu no asosiasaun sira, tanba asosiasaun sira ne’e sei hadi’ak daudaun sira-nia mata-dalan no estrutura, maibé Konsellu ida ne’e hahú ona ninia serbisu hodi hili membru sira “Konsellu Sentrál” nian no hahú hanoin ba Forum MJS ne’ebé sei hala’o iha tinan ida ne’e.

Nune’e estrutura foun ida ne’e iha membru sira ne’ebé tuir mai:

PRESIDENTE: Afonso Alves Soares

VICEPRESIDENTE: Maria do Ceu

TEZOUREIRA: Sidonia Paula Freitas

SEKRETARIU/A: Julmiro de Sousa Bianco  / Rita Fatima Gama

DOKUMENTASAUN: Wahyuli Ana Jumita Soares

 

Ami fó parabens ba sira-nia serbisu foun, no membru hotu MJS nian sei asegura sira-nia apoiu.

Konsellu Nasionál sei halibur fali loron 31 Agostu 2014 atu programa didi’ak forum MJS.