Hamta’uk Maromak siignifika hanoin katak nu’udar ema ita ki’ik iha Maromak nia domin nia oin
Papa Francisco nia katekeze
Iha kuarta, 11 Juñu 2014, Papa Francisco taka siklu katekeze nian kona-ba don Espíritu Santu nian ho reflesaun ida kona-ba “hamta’uk Maromak. Amu-Papa esplika katak don ne’e la signifika ta’uk Maromak, maibé hanoin katak nu’udar ema ita ki’ik iha Maromak nia domin nia oin.
Asesu Katekeze ho lia-portugés
Francisco esplika katak don Espíritu Santu nian ida-ne’e tulun ema atu rekoñese nia an nu’udar oan doben, no tempu hanesan hametin ninia konfiansa no fiar, basá halo nia haree oinsá nia moris hela iha Na’i nia liman. Hamta’uk Maromak, asume forma dosilidade, rekoñesimentu no hahí nian.
“Hamta’uk Maromak loke ita-nia fuan, halo ita foti konxiénsia katak buat hotu mai husi grasa no katak ita-ni akbiit loloos mai de’it husi tuir Na’i Jezús no hodi husik Aman haraik Ninia laran-di’ak no Ninia laran-sadia”.
Papa Francisco mós subliña katak don Espíritu Santu nian ida-ne’e funsiona nu’udar “alarme” ida: bainhira ema ida moris iha salan no esplora nia ema seluk hodi hanoin an rasik de’it, hamta’uk Maromak lori alerta katak buat ne’e la lori ksolok.
“Ema ida labele lori buat ida ho nia ba sorin balu bá. Ita bel lori de’it ho ita domin ne’ebé Aman haraik mai ita, kariñu Maromak nian ne’ebé ita simu ho domin, no buat ne’ebé ita halo ba ema seluk. Kuidadu! Ita keta tau esperansa iha osan, iha podér no iha loko-an. Buat sira ne’e la promete buat ida”.
Francisco temi nu’udar ezemplu ema sira ne’ebé iha responsabilidade ba ema seluk, no maski nune’e, sira husi an korrompe. “Imi fia rkatak ema korruptu sei haksolok iha sorin balun bá??”, Papa Francisco husu ba em alubun boot, hodi hatán katak rezultadu korrupsaun nian mak halo korruptu ema nia fuan.
Nia temi mós ema sira ne’ebé manán osan ho tráfiku umanu, esplora ema seluk no halo kilat atu haburas funu. “Imi hanoin tok, profisaun said amak ne’e! Ha’u fiar katak iha fatin ne’e la iha fabrikante kilat nian, basá ema sira-ne’e la mai atu rona Maromak nia Liafuan. Sira fabrika mate, sira merkante mate nian. Atu hamta’uk Maromak nian halo sira komprende katak, loron ida, buat hotu sei remata no sira tenke fó konta ba Na’i”.
