Animadores Fuiloro hahú formasaun hodi hakle’an Estreia 2020
POLITIKA AMI AMAN DON BOSCO NIAN
Fuiloro, 08 Fevereiru 2020, iha lorokraik oras tuku 15.45 OTL, enkontro dahuluk halao iha Fuiloro ho total animadores 113, animadores husi Lospalos hamutuk 44, animadores husi Fuiloro hamutuk 69.
Enkontru ne’e hahu ho introdusaun husi Padre Isaias Bonifacio, Sdb nu’udar responsavel Pastoral iha Zona Lospalos. Iha enkontru ne’e nia hato’o bemvindo ba partispante sira hotu no mos fo introdusaun badak kona ba Politika Ami Aman nian ne’ebe sei aplika iha Formasaun Zona Lospalos & fuiloro nian ba dala tolu (3) iha tinan ne’e nia laran, ne’ebe liga ho Reitor Mor nia Estreia kona ba “ Sarani ne’ebe diak no Sidadaun Onestu”. Estreia nee fahe ba parte 3:
- Politika Ami Aman
- Kristaun ne’ebe diak
- Sidadaun Onestu
Iha enkontro dahuluk ne’e koalia kona ba Politika Aman ne’ebe hato’o husi Sr. Simoa Correia, FMA. Pontus importante ne’ebe fahe ba animadores sira mak Don Bosco hatudu nia sensibilidade nu’udar aman nian forte tebes, tanba haree foinsae sira iha Don Bosco nia tempu ema boot sira trata foinsae sira la ho 
respeitu no oinsa atu resolve no troka foinsae sira nia moris iha sosiedade nia laran. Nia tau laran metin ba foinsae sira hodi fo esperansa katak loron ida sira sei sai diak. Ikus liu taka ho espiritualidade Salesiana ne’ebe koalia kona ba Sistema preventivu ne’ebe nia fundamentu mak; Razaun, Relijiaun no Domin. Tempu ikus nian animadores sira mos husu pergunta barak kona ba Sistema Preventivu ne’ebe oras nee sira hare sai fraku liu iha ambiente Saleziana. Pergunta seluk mos kona Formasaun Vokasional no oinsa ita nia akompañamentu ba foinsae sira seluk ne’ebe seidauk konhese ita nia Sistema. Padre Isaias nudar responsavel animadores hatan ba pergunta ne’e hodi fo korajen no konfia ba foinsae hotu atu hatudu sira nia telentu iha eventu sira ne’ebe forte hanesan iha loron Valentine nian 14 Fevereiru, no loron Karnaval nian ne’ebe ita selebra iha loron 25 Fevereiru. Liu husi atividade hirak ne’e mak bele atrai foinsae sira seluk bele hola parte iha oratorio nia laran.
Agradese ba ema ida idak nia esforsu no prezensa iha enkontru dahuluk tinan ne’e nian.
(Ines Bartolo Freitas FMA)
