Baucau – Ohin loron 02 fulan Fevereiru 2020, loron mundial konsagrada sira-nian.  Maibé mós ba hirak ne’ebé simu sakramentu batizmu hodi sai Maromak-Nia oan sira. Nune’e atu halo festa ne’e sai furak no signifkadu liu tan ami animador sira husi oratoriu SDB no FMA , San Domingos Savio Vila Antiga, no Maria Auxiliadora Teulale Baucau organiza paseiu hamutuk ba tasi Boasare Baucau. Hotu tiha Misa dahuluk hothotu ba halibur hamutuk eskola Sant’’Ántonio Baucau hafoin ba hamutuk ho kareta Trek ida ba joven sira no Bemo ida ba ki’ik oan sira.

Objetivu ba paseiu ne’e mak atu hamoris no haburas oratoriu liuhusi pasieu hamutuk. Tan ida ne’e metodu ida dada labarik no joven sira ba oratoriu. Iha pasieu ne’e inklui mós grupu Laura Vicuña no Saleziana kooperdaora sira, basá maske Saleziana kooperador sira foin harii maibé sira iha hakarak boot atu apreende husi SDB no FMA oinsá atu akompaña foin-sa’e sira. Nune’e sira fó liman ba ami hodi fasita transporte no prepara aihan ba oratorinu sira no asiste sira durante labarik sira haris ita tasi.Nune’e iha oratorianu sira-nia inan no avo balun ne’ebé mak ba ho sira-nia oan no be oan sira iha tasi. Paseiu ida ne’e loloos iha planu estrajiku 2019 nian maibé tanba ami lahalo nune’e ohin mak realiza. Labarik no joven sira kontente liu maske ami han etu maran, tan loloos ema ida-idak lori modo no husi inan no saleziana kooperador sira mak teinetu maibé iha realidade hothotu lori sosis sona maran. Maske nune’e hothotu han ho gostu no haris to’o satifeitu tan haris husi tuku 1-3.

No ksolok boot liu ba klima ne’ebé di’ak, la udan ne’e hotu ho fuan nakonu ho agradesimentu ba Maromak hodi hasa’e sira-nia ksolok no orasaun agradesimentu nian ba Maromak laran di’ak no Maria inan tulun na’in ne’ebé ho ninia akompanamentu buat hotu la’o ho di’ak to’o fila uma ho ksolok.

(Lucia Pereira FMA)