Husi Komunidade Eusebia Palomino

Dili – Programa  ne’e Iniziativa ENI (Eletrisidade Nasional Italiana) serbisu hamutuk ho governo Timor Leste nian iha area edukasaun nian ba Ensino Básico 1, 2 Ciclo sira iha Ano Lectivo 2013-2014 ho tema “ Benvindu mai ami nia Rai”, mak tópiku ne’ebé propoen ba tinan ida ne’e ba estudante sira iha mundu,inklui Timor Leste no ba rejiaun sira seluk iha mundu ne’ebé ENI halao serbisu ba, hanesan iha Aljeria, Angola, Australia, EUA – Alaska, Ghana, Indonesia, Kazakhstan, Kongo, Moçambique, Noruegia, Pakiztaun, Ukraina no Venezuela. Nasaun 14 mak partisipa iha programa ida ne’e.

 

Inisiativa ida ne’e nia objetivu atu involve labarik sira, estimula sira atu konta fila fali no elabora tradisaun, istória no karakteristika sira-nia rain nian liuhosi dalan kriativu. Eskola ida-idak hetan konvite atu tuir programa ne’e hodi dezenvolve ho imajinasaun no kreatividade kuadru istória ba animadu badak ida ne’ebé hateten istória hosi sira nia rain liuhosi dalan original ida. Kuadru istória nian tenke halo ho imajen sira ne’ebé kria uza tekniku sa deit mak hakarak liu hanesan dezeñu, kolajen, fotografia, pinta, nst. Imajen sira tenke akompana ho komentariu ida, ne’ebé esplika ilustrasaun sira no tan informasaun sira seluk kona-ba istória ne’ebé halo.

Programa eni nian ne’e nu’udar programa Nasional no Internasional nian, nu’udar Nasional grupu eni nian konvida eskola 7 iha Dili laran hodi halo kompetisaun ba iha programa Schoolnet nian ho tema ne’ebé diferente mak hanesan: meiu-ambiente, paisajen oioin, simbolu nasional, kultura moris rai ida nian, nst. Eskola sira ne’ebé tuir mak :

1. EBC (Ensino Básico Católico)– Lorosa’e
2. EBC – Cristal
3. EBC – Vila- Verde
4. EBC – Beduku
5. EBC – Sagrada Coração de Jesus
6. EBC – Canossa
7. EBC – Maria Auxiliadora

Implementasaun inisiativu edukasaun nian husi  ENI ho naran Schoolnet hahu husi fulan Fevereiru no remata ona iha fulan Abríl 2014, nune’e iha loron 05 – 06 – 2014 mak anúnsiu manan nain Nasional ba eskola sira ne’ebé partisipa iha konkorensia ida ne’e, no ita nia eskola EBC – Maria Auxiliadora hetan Primeiru klasifikasaun husi eskola seluk. Kada grupu iha labarik 15 ne’ebé partisipa, nu’udar primeiru ba iha konkursu ida ne’e, eskola hetan Laptop 2 no mós Sertifikadu ba labarik sira ida-idak no prezente ki’ik sira hanesan material pinta nian. Labarik sira husi ita nia eskola kontente tebes tanba ida ne’e foin ba dahuluk sira tuir maibé bele hetan rezsultadu di’ak, nune’e sira espresa sira nia sentimentu hodi dehan: “ Maria mak halo buat no MARIA SEMPRE DI’AK…”no agora ami hein rezultadu atu manán iha nivel Internasionál ho nasaun 14….. oxalá hetan susesu …..