Laga – Iha loron ikus novena Dom Bosco komunidade haksolok hodi akompana orfaun nain 10 ne’ebe ba dala uluk simu Primeira komunaun. Hahu selebrasaun penitensial tuku 8 dader hafoin mak Misa ba primeira komunaun. labarik sira seluk mos buka atu fasilita ninia kolega sira hodi prepara an didiak. Balun ajuda sui fuk e sasin tuir modelu oinoin. Iha kalan antes irman sira prepara sira ida-idak nia lilin ho dekorasaun furak. Sensu hola parte ida ne’e hatudu fraternidade no ksolok moris hamutuk nu’udar bin-alin nian iha simplisidade nia laran.

Iha omilia Padre celebrante Pe. Rui Gomes dehan ba labarik sira atu hatene hadomi hanesan Jesus. Buka halo tuir ezemplu Saun Domingos Savio no Beata Laura Vicuna nia hahalok bainhira sira simu primeira komunaun hodi hadook an nafatin husi sala no husik fuan moos hodi moris iha Maromak Nia grasa loroloron. Depoisde komunidade konvida sira nia familia atu halo merenda hamutuk tuir hahan ne’ebe familia sira lori mai tau hamutuk. Sira balun espresa sira nia sentimentu ohin nian ho ksolok no agradese tanba bele ona komunga Kristu Nia isin iha moris tomak.

(Angelita Gomes FMA)