Venilale –  Iha loron 28 Janeiru, hodi prepara ba festa Don Bosco nian no iha loron dahuluk triduu nian seminarista ABFR no órfaun sira halo kuiz kona ba Don Bosco ne´ebé hala´o iha salaun estudu seminariu nian; objetivu ba kuiz ne´e mak atu koñese di’ak liután Don Bosco hodi banati tuir Ninia hahalok santidade iha moris loron-loron nian no halo amizade entre sira.

Molok hahú kuiz madre Olga Belo, Fma hato´o uluk mensajen no esplika uituan objetivu kuiz nian ba konkorente no espetadór/a sira,  hafoin padre Olivio da Costa, sdb reza orasaun abertura nian no hotu-hotu hamutuk hananu knananuk ida ba Don Bosco. Kuiz ne´e fahe ba grupu 8: seminarista grupu 4 no órfaun grupu 4.

Rezultadu husi kuiz ne´e órfaun hetan 1º no 3⁰ lugar no seminarista hetan 2º no 4⁰ lugar hafoin ida-idak simu ninia prémiu ho ksolok no prepara an ba Novena iha parókia.

(Cesarina Correia FMA)