Venilale, 26-10-2020. III Domingu  tempu komún nian no loron da-5 novena ba São João Bosco Aman no mestre foin-sa’e sira nian; iha komunidade Maria Auxiliadora ohin tuku 03.00 loro-kraik, enkontru ho nukleu animador komunidade edukativa husi sentru 3: Uaibua, Lia-oli no Uaihaco.

Objetivu enkontru ne’e atu  halo projetu komunidade edukativa  nian no iha tempu hanesan oratóriu sentru 3 ne’ebé pertense ba komunidade ne’e halo sira nia projetu oratoriu nian. Partisipante iha enkontru ne’e hamutuk ema nain 20 ne’ebé kompostu husi: irman sira iha komunidade,  formande nain 2, leigu nain 6 no foin-sa’e nain 6.  Forma an no servisu hamutuk mak ami nia prioridade no empeñu durante tinan ida ne’e nia laran. Ba  Maria , ami entrega ami nia kompromisu ida ne’e  no projetu ne’ebe sei gia ami atu  realiza objetivu.

Cesarina Correia FMA