Dili-Comoro, 22/01/2020, Iha loron espesial ida ne’e, EBC Maria Auxiliadora turno dader nian; husi Jardim Infantil to’o 6 º ano, hamutuk ho professores, Irmãs no funsionários hotu Komemora festa Beata Laura Vicuña nian, nebe grupo Laura Vicuña rasik mak ànima orasaun no apresenta drama badak kona ba Laura nia moris santidade nian.

Apresentasaun ne’e koalia kona ba Laura nia biografia, hafoin remata ho musika. Iha ne’e grupo apresenta ho estilo TV nian, nune’e iha entrevista: jornalista no Laura V. Ne’ebé representa husi aluna nain rua.

Hafoin kontinua ho orasaun badak no Irmã Diretora da Eskola Ir. Suzana Alves dos Santos, FMA fó nia ressonância kona ba Laura nia moris no husu aluno/a sira atu buka moris tuir hahalok diak ne’ebé Beata halo no husik hela mai ita nudar exemplo diak atu sai Labarik nebe diak no santo. Hanesan nia moto nebe dehan: “Terus ho nonok haksolok nafatin.” Santidade la haree ba otas… Ita hotu bele sai santa no santu.

(Zelia Lemos Matos)