Venilale, 14/Janeiru/ 2020, Ohin iha komunidade Maria Auxiliadora Venilale, madre Ispetora, madre Alma Castagna FMA, hasoru malu ho Pre- Aspirante nain 4; Abiuda Monteiro husi Ossu- Builale, Ana do Rosario husi Laclubar, Geralda Soares husi Ermera- Atsabe no Meliana Soares husi Liquisa.

Iha hasoru malu ne’e madre Alma hateten katak : ” Tempu Pre- Aspirantadu mak tempu ida hakarak hakbesik liutan imi ba esperiénsia  Salesiana. Nune’e la’ós deit buat ne’ebé hau rona husi sira katak madre Salesiana hanesan ne’e maibé hau rasik koko. Nune’e tempu ida ne’e komesa iha ona  idea no esperiénsia hodi husu ba imi nia an semak bele moris hanesan sira, semak bele tuir sira nia atividade. Hau nia hakarak, kapasidade, hau nia defeitu no hau nia limitasaun sira lao hamtuk ho knaar ida ne’e?

Tempu Pre- Aspirantadu mós tempu atu haburas esperiénsia umana nu’udar feto loos no ema responsavél. Wainhira iha buat ruma ne’ebé la klaru dehan lalika falun”.