Dili-Comoro, 07 Janeiru 2020, hahú tinan foun loke ho enkontru ba ekónoma sira husi komunidade 8 iha Timor-Leste nia laran.  Enkontru ne’e ho tema sira mak hanesan:

1. Aprezenta Konkordata ne’ebé Governo Timor Leste halo ho Kreda (Diocese 3)
2. Aprezenta Plataforma ne’ebé Ekónoma Provinsiál tuir iha Roma
3. Kada komunidade ida-idak taka kontabilidade ba tinan nia laran (tinan 2019 nian)

Enkontru ne’e hahu ho orasaun dader, hafoin aprezenta konkordata ne’ebé Irmán sira enkontro ho reprezenta Kreda nian iha fulan kotuk liu ba. Hare ba vantajen no desvantajen sira ne’ebé kreda enfrenta kona ba osan ne’ebé governo fó, mosu espresaun oioin husi ekónoma sira kona-ba :

• Transparénsia iha jestaun osan sira ne’ebé uza
• Persentajen husi osan sira ne’ebé fahe kada kategoria
• Luta ba vistu Misionária/u sira

Sesaun tuir mai mak aprezenta Seguransa Sosiál ne’ebé aprezenta husi Irmán Leonilde Monteiro, FMA, hodi haree ba Seguransa Sosial trabalhadores no Irmán Perpétua sira ne’ebé iha obrigasaun hola parte iha Seguransa Sosiál. Iha tempu hanesan Ir. Carmen Ramos Bravo, FMA aprezenta ba Irmán sira kona -ba Plataforma Institutu nian ne’ebé oras ne’e aplika ona iha Inspetoria Timor- Indonesia.

Ikus liu taka ho espliksaun “relazione” ilustrasaun orsamentu tinan ne’e nian, no mós Irmán ekónoma taka kontabilidade ba tinan 2019 nian tuir komunidade ida-idak nian no prepara budget ba tinan 2020.

(Ines Freitas Bartolo)