Dili – Ohin, 6 Janeiru 2010, komunidade Balide no komunidade novisiadu ho Irmán seluk halibur hamutuk atu fó apoiu no haksolok hamutuk ho postulante Laura Pompeia ne’ebé hakarak halo pasu ida tan iha niia etapa formasaun hodi tama iha etapa novisa nian.

Símbolu ne’ebé nia hili mak sipu, símbou rona nian. Pasajen evanjélika ne’ebé nia hili mak “Transfigurasaun”, iha-ne’ebé Aman nia lian husu atu “rona” ninia Oan ne’ebé nia hadomi. Me. Alma, provinsiál FMA TIN komenta leitura sira hateten, katak “se la iha fiar labele rona”, Nia mós dehan katak iha leitura Samuel nia vokasaun nian no Evanjellu transfigurasaun nian dalarua temi liafua “la hatene”. “Samuel seidauk hatene Na’i no Pedro la hatene atu hateten sá”. Me. Alma dehan katak, “atu rona la presiza hatene didi’ak ó iha ne’ebé ka atu bá ne’ebé”. Nia hatutan tan katak “Atu rona la presiza koñese didi’ak”. Rona husu mai ita atu entrega an, rona ema ne’ebé Maromak tau iha ita-nia dalan atu gia ita. Nune’e, “rona presiza konfia”. No husik “Maromak hato’o mai ita bá ne’ebé Nia hakarak lori ita”. Liafuan seluk mak “ta’uk”. Me. Alma konvida atu “keta husik sentimentu sira domina ita-nia an. Se lae buat ne’ebé kona ita, iha filtru ida ne’ebé taes liafuan. Tenke husik Nia, maski ta’uk, nakdedar, maski duvida, ne’e momentu husik Maromak lori ó”.

Ita hotu husik Maromak gia ita, Liu husi ema, akontesimentu… Halo tuir hanesan Samuel, rona no halo tuir.

Maske Laura mesak de’it, maibé dalan vokasaun mak ema ida-idak ninia hilin, nune’e korajen ba oin ho ksolok.

(Komunidade Balide)