Laga – Loron 28 Dezembru, komunidade Beata Laura Vicuna Laga iha klima ksolok Natal nian no hakarak diak atu serbisu hamutuk hahu halo projetu komunidade ba tinan 2020. Nukleu animador komunidade edukativa nain 6 hamutuk ho irman komunidade nain 6 halibur hamutuk iha dader tuku 9.30. Hahu ho orasaun ba Espiritu Santu hafoin Ir. Angelita esplika konaba Programasaun Ispetorial nebe ida-idak iha o ona sira liman atu iha orientasaun oituan molok hahu. Nia moa esplika konaba “estilu sinodal” ba nukleu animador sira nebe ladun komprende terminolojia foun nebe Kreda usa ohin loron atu bele serbisu hamutuk diak. Ema ida-idak hatoo nia ideia no motivasaun atu bele halo modalidade sira tuir ezijensia komunidade nia misaun. Nu’udar komunidade kontinua mantein objetivu nebe propoin husi Inspetoria hafoin modalidade no aktividades sira tuir ami nia realidade. Durante enkontru iha impaktu barak atu fo formasaun no akompana la’os deit orfaun sira no sira nia inan aman maibè mos haboot ami nia liras atu bele fo formasaun mos ba oratoriano sira nia familia. Formasaun no akompanamentu importante liu iha tempu ohin nian nunee ami hakerek mos iha projetu atu fo formasaun ba familia orfaun sira nian dalarua iha tinan 2020 nebe tinan kotuk dala ida deit. Ami mos halo ona trasa badak Konaba Madre Assunta nia visita iha dia 2-5 abril 2020. Ami taka enkontru de trabalho ida nee tuku 1.30 lokraik. Molok fahe malu Ir. Angelita fó kalendario Maria Ausiliadora 2020 ba Nukleu Animador ida-idak ho mensajen atu Nai Feto Maria akompana iha tempu ida-idak ita nia jornada iha tinan 2020.

(FMA Laga)