Husi komunidade FMA Balide

 

Dili – Hamutuk ho Maria ita nia Inan, liuliu iha Ninia fulan, ne’ebé Kreda oferese mai ita nu’udar sarani. Komunidade iha loron 17 Maiu,  hakarak mós oferese ba foin-sa’e sira liuliu husi Klasse Terceiro ano Escola Secundária. Atividade ida ne’e atu haklean Maria nia moris, liuliu nu’udar foin-sa’e ida iha Nia fatin moris Nazare. Iha tempu hanesan Irmán sira mos hakarak atu tulun foin-sa’e sira atu husi atividade ne’e hanesan Maria buka deskobre Maromak nia hakarak ba sira nia moris aban bairua.

Iha atividade ne’e partisipa husi foin-sa’e sira Eskola Kristal, Eskola Sekundaria 4 de Setembro no foin-sa’e sira ne’ebé tuir Kursu Komputador; foin-sa’e sira ne’e hamutuk nain hitu nulu resin hat ( 74 – Feto no mane)no halao Sabado loron 17 Maio 2014.  Atividade ne’e hahu ho liafuan simu nian husi Diretora  Komunidade Ir Alexandrina Pinto FMA, hodi hato’o liafuan badak kona ba Objetivo Atividade nian; hafoin kontinua ho Orasaun hamutuk. Hotu tiha hahu kedas hodi ba iha Grupo hodi halo viajen ida molok atu ba to’o iha Maria nia realidade. Viagen ne’e mak hare kona ba Família, Kreda no Sosiedade. Iha ne’ebá konfronta oinsa nu’udar Joven sira nia papel ( Positivo) no dezafiu sira ne’ebé sira hasoru iha parte tolu ne’e ( Negativo). Buat ne’e sira fahe nu’udar Grupo mak :

• Família: Família tau matan ba Oan sira hodi suporta sira iha Edukasaun, vida moral, fahe domin ho oan sira no buka atu sustenta Ekonomia. Maibé iha parte ida ne’ebé sira rasik hare nu’udar negativu ba família ohin loron nian mak: Oan sira la uza didiak liberdade ne’eb’e sira iha, inan – Aman la fo importansia ba oan sira nia edukasaun maibé hare liu ba kultura ka tradisaun sira.

• Kreda: Oinsa Kreda oferese atividade sira ne’ebé ho objetivo atu hametin fiar sarani nian, hanesan; liu husi grupo sira Acolitus, Koro, Eskuteiro, Oratorio, ……… maibé husi parte sira nian nu’udar joven dala barak mak la fo importansia ba Sakramento sira , no mos ba atividade sira , tamba ho mundu nia globalizasaun ne’ebé oferese  buat oioin ba sira.

• Sosiedade: Nu’udar Joven buka atu fo an hodi kolabora iha atividade sira bairo nian hodi fahe talentus, hanoin, ……….maibé mos iha barak ne’ebé nafatin buka atu halo problema tamba hemu, droga, fuma……………..

Hotu tiha Viagen ba parte tolu ne’e kontinua ho imput kona ba tema ne’ebé iha “ Maria feto Nazare nian”hafoin fahe ba grupo no Asembleia hodi fahe reflesaun sira kona ba tema ida ne’e. no ikus liu mak taka ho Eukaristia ne’ebé selebra husi Pe. Rui Gomes SDB. Foin-sa’e sira sente kotente liu ho atividade ne’e, tamba bele tulun sira atu konhese haklean domin ba Nia ne’ebé nu’udar Inan ba umanidade tomak, no mos hametin sira nia fiar nu’udar sarani.