Baucau – Loron kmanek no ksolok boot ba familia saleziana liuliu ba ADMAsira senti haksolok no iha tempu hanesan emosional, basá haree ba kotuk no lee fila fali istória ADMA nian, maioria dehan katak iha tinan barak nia laran mak ADMA iha Timor Leste la’o, no istórikamente hatudu ona katak don Bosco harii ADMA iha 1869, no to’o ohin 2019 halo ona 150 anos. Nu’udar sinál agradesimentu nian, ADMA sira organiza atividade oin-oin atu halibur hamutuk ADMA sira iha nivel nasional ne’ebé hola fatin iha Deoseze Baucaun, hahú husi loron 13-15 Dezembru 2019.

Partisipante sira hamutuk 322 ADMA no responsavel sira husi fatin-fatin.

Atividade sira ne’ebé hala’o iha loron tolu nia laran mak tuir mai ne’e:

-Iha dia 13, tuku 10-11.30 Bemvindo partisipante sira no han meudia, iha lokraik iha kompitisaun kona-na Certame no kompetisaun kona-ba Coro,ne’ebé buka atu manan premeiru to’o terceiro lugar, hafoin tuku 7.00 PM Santa Misa abertura nian, hafoin han kalan no deskansa. Loron daruak konferensia sira, madre Alma, provinsiál TIN hodi tema: Familia mak Kreda domestika ne’ebé Teolojikamente bazeia ba Santissima Trindade liuliu subliña koan-ba Sagrada familia nu’udar modelu no puntu referimentu ba familia sira ohin loron nian, no mós madre provinvisiál fó hanoin fila fali katak iha Estrea Retor Mor nian 2017 ne’ebé koalia kona-ba familia. Dehan katak iha familia laran iha karatere ne’ebé lahanesan, nune’e presiza adata malu no pasiensia ba malu, simu diversidade , kuda no haburas domin iha familia. Dever aman-inan nian mak tau-matan ba ona sira. Tanba familia mak eskola fiar nian liuhusi sira-nia sasin moris nian, no iha familia mak oan sira aprende dixiplina espirituál nian. Nu’udar na’in feto hatudu hahalok fiar no dixernimentu nian mak hakas an atu hatan ba Maromak nia planu, atu hatan ida ne’e presisa silensiu. Familia eduka oan sira ba servizu, no iha familia mak oan sira aprende atu dezenvolve. Nune’e mak familia ida dever atu fó esperánsa ba oan sira-nia futuru, fó suporta no laran metin iha sira. Nune’e mós familia mak fatin ksolok, hakmatek no dezenvolve kapasidade oan sira-nian . Ho ida ne’e madre provinsiál taka ho orasaun estrea 2017 nian.

Hafoin tuir mai padre Apolinario Ornai Neto, Provinsial SDB nian, ne’ebé mak lori tema kona-ba familia saleziana, nia aprezente grupu oin-oin hamutuk 31 grupu mak hamahan an iha iha familia saleziana. Iha konferensia ne’e padre provinsiál subliña katak komuñaun familia saleziana bazeia ba karizma komun, no hadomi malu no fiar ne’ebé kle’an. No espiritu ne’ebé sustenta ita mak Santissima trindade, nia dehan.

Kona-ba vida orasaun nian, padre provinvinviál dehan: orasaun saleziana mak orasaun apostolika, no ikona ne’ebé mak gia ita mak Bibi atan di’ak ne’ebé inspira no gia ita-nia asaun sira. Hotu tiha nia konferensia madre provinsial no padre provinsiál fó pergunta balun atu ADMA sira fahe iha grupu.

Husi padre provinsiál fó pergunta sira: Se mak ha’u. – Oinsa ha’u-nia relasaun fraterna iha Kreda no iha familia saleziana, np ikus liu mak oinsá oinsa ha’u-nia vida apostolika iha Kreda no iha familia saleziana?. No madre provinsiál fó pergunta ida de’it mak: Aspetu saida de’it mak urjente liu atu reflete liuliu kona-ba familia. Bazeia ba pergunta hirak iha leten ne’e, koisaun fahe sira tuir ida-ida nia sentru no halo sira-nia planu estratejiku ba tinan 2020.

Hotu tihs sharing iha grupu taka ho adorasaun hafoin tuir mai Santa Misa. No loron iha ikus dia 15, iha dadersan halo orasaun dader nian, hafoin tuir mai Misa tuku 9.30, selebrante Pe. Provinsiál, no partisipa husi Bispu da Deocese Baucau, Don Basilio do Nasimento no padre sira seluk.

Hotu tiha santa Misa iha fraternizasaun no simu premeiu sira hafoin fila fali ba ida-idak nia fatin ho ksolok.

(Lucia Pereira)