Laga – Ohin, 13 Dezembru 2019 pastorál konjunta SDB no FMA hamutuk ho membru estrutura Movimentu Juvenil Salezianu (MJS), ami konsege realiza avaliasaun ba programa formasaun MJS 2019 no tempo hanesan halo kedas programasaun ba formasaun zonal 2020.

Partisipante hamutuk nain 18, husi komunidade SDB mak: Lospalos, Baucau, Laga, Venilale, Dili no husi komunidade FMA mak: Fuiluru, Baucau, Laga no Dili. Encontru ne realiza iha komunidade Beata Laura Vicunha Laga iha parte tasi ibun, hahu Oras tuku 9:30 to’o 14:30. Enkontru ne’e fahe ba parte rua: Parte dahuluk, delegados pastoral konjunta konvida ekipa atu halo momentu avalisaun ba programa MJS 2019. Menbro ida-idak ho livremente hato’o observasaun konaba vantajen  no desvantajen ho motivasaun atu aprende atu rekonhese no valoriza buat ne’ebé liu ona, nune’e bele serbi diak liu tan iha futuru. Depois de observasaun husi pastoral konjunta presidenti MJS Afonso Ximenes apresenta persentagen avaliasaun forum MJS 2019 husi komunidade SDB, FMA no partisipante forum MJS. Partisipante husi forum MJS barak mak apresia no agradesse ba formasaun nebe sira hetan iha forum MJS konaba dokumentu Christu Vivit, asaun profétika iha zona Fatumaka no animador sira sai protagonista iha formasaun ida ne’e hodi fahe fila fali sira nia reflesaun no halo rezumu badak ba animador sira nebe mai partisipa iha loron ikus nian. maske iha buat diak barak maibe iha aspetu balu nebe husu atu bele tau atensaun liutan mak parte asistensia salesiana, pontualidade, animasaun no haforsa liu tan ba formasaun umana ba animadores lokal.

Iha parte daruak defini hamutuk tema, objektivu no programa ba formasaun animadores. Tuir Estreia 2020 Reitor Mor nia karta ba familia salesiana. Ho tema “Sarani diak no cidadaun laran loos”.  Programa ba formasaun animador zonal trimestral fahe ba zona haat :

1. Zona I ( Fuiluru, Lospalos)
2. Zona II (Laga, Quelicai)
3. Zona III (Baucau, Fatumaka, Venilale)
4. Zona IV (Dili, Maliana)

Formasaun sira iha Zona sei reliza iha data ne’ebé hanesan mak: Enkontru dahuluk dia 8 Fevereiru ho tema Ami Aman, encontru daruak dia 9 Maio (Sarani diak) no enkontru datoluk dia 8 Agostu (sidadaun loos), maibe ami husik ba zona ida-idak atu bele organiza no haree tempu ne’ebé posivel. Material ba formasaun sei prepara husi Padre Joao Boavida, Padre Cesar, Padre Isaias, Madre Julia, Madre Simoa.

Data no Fatin ba MJS 2020 sei entrega ba parte konpetente.

Agradese ba Maromak ba realizasaun loron ohin nian ho klima ne’ebé  familiar, espontanha, konfiansa no fahe ba malu esijensia sira hodi hatan ba dezafiu sira ohin loron nian. Enkontru ne’e taka ho konfraternizasaun no momentu rekreasaun hamutuk iha tasi.

Buat ne’e bele realiza ho diak tamba sakrifisiu no domin husi komunidade Laga.

Mai ita hamutuk atu serbi kristu nia kreda ho laran manas “Joven apóstolu ba Joven”

By: Afonso Ximenes (MJS)