Papa Francisco iha Regina Coeli

 

Maun no biin-alin sira, bondia!

Ohin, leitura Apóstolu sira-nia Hahalok halo ita haree katak iha Kreda orijen nian merje tensaun dahuluk sira no diskusaun dahuluk sira. Iha moris, iha konflitu sira, problema mak oinsá enfrenta sira. To’o ih amomentu ne’ebá, komunidade nia unidade hetan vantaajen husi hola-parte ba etnia ida de’it, no lultura ida mesak, ida judaika. Maibé, bainhir kristianizmu, ne’ebé tanba Jezús nia hakarak  destina ba povu hotu, nia loke an ba ámbitu kulturál gregu, no hahú lakon omojeneidade ne’e no hahú mosu difikuldade dahuluk sira. Iha momentu ne’ebá mosu deskontentamentu, halerik, hahú mosu lian favoritizmu nian no tratamentu lahanesan. Buat ne’e akontese mós iha ita-nia parókia sira! Tulun komunidade nian ba ema ho susar – feto-faluk sira, oan-kiak sira no ema kiak oioin –, parese privilejia sarani sira mai husi ebreu sira duké sira seluk.

 

Entaun, iha konflitu nia oin, Apóstolu sira kaer situasaun: sira konvoka reuniaun ida loke ba dixípulu sira mós, diskute hamutuk kestaun ne’e. Sira hotu. Defaktu, ita la rezolve problema hodi halo finje la katak iha problema! No furak tebes konfrontu iha lialoos entre bibi-atan sira no sarani sira. Nune’e sira to’o ba divizaun knaar nian. Apóstolu sira halo proposta ida ne’ebé sira hotu simu: sir adedika an ba orasaun no ba ministériu Liafuan nian, enkuantu mane na’in hitu, diákonu sira, sei haree servisu meza nian ba ema kiak sira. Ema na’in hitu ne’bé sira hili, la’ós tanba sira ema bisnis nian, maibé tanba sira ema onestu ho naran di’ak, nakonu ho Espíritu Santu no matenek; no sira simu servisu ne’e ho Apóstolu sira nia impozisaun liman nian. Nune’e, husi deskontentamentu ne’e, husi halerik ne’e, hsui lian sira favoritizmu no tratamentu lahanesan, sira to’o ba solusaun ida. Hodi konfronta malu, hod i diskute no hodi harohan, nune’e mak rezolve konflitu sira iha Kreda. Hodi konfronta malu, hod i diskute no hodi harohan. Ho serteza katak gossip sira, inveja sira, laran-moras sira nunka bele lori ita ba konkórdia, armonia eh dame. Iha ne’ebá iha Espíritu Santu ne’ebé gia. Nia lori ita ba armonia, ba unidade no ba respeitu don no talentu oioin, Imi komprende didi’ak? Laiha gossip, laiha inveja, laiha laran-moras! Komprende?

Virjen Maria tulun ita sai dosil ba Espíritu Santu, atu ita hatene estima malu no konverje profundamente ba beibeik iha fiar no iha karidade, hodi halo ita-nia fuan nakloke ba maun-alin sira nia nesesidade.