Husi Ir Yashinta Hoar fma

 

Venilale – Komunidade St. Maria Mazzarello mak komunidade ne’ebé iha escola Técnico vocational. Escola ne’e foti santa Maria Mazzarello nu’udar mahein. Festa ne’e lolos monu iha dia 13 de Maio maibe dioseze selebra festa Nain feto Fátima nian, nune’e festa ne’e selebra iha dia 9 de Maio, loron moris Madre Mazzarello nian. Maibe tanba tuir escola nia tradisaun tinan-tinan selebra festa ne’e hamutuk ho aman no inan estudante sira nian, komunidade hili loron  sábadu 10 Maiu atu fasilita familia sira nia prezensa. Festa ba M.M nu’udar mahein ba escola (ETP-Venilale ) no co-fundadora ba FMA fahe ba parte 3: Aman  inan simu kaderneta oan sira nian, selebrasaun Eukaristia no almosu konfraternizasaun.

Ksolok boot ida mos ba ami komun idade St. Maria Mazzarello tanba hamutuk ho profesores, alunus sira halo dadaun preparasaun ruma atu selebra hamutuk ho familia estudantes sira nian festa mahein “Madre Mazzarello”. Ami mos simu ho ksolok presensa Me. Paola ne’ebé mai halo visita cánonica. Ami nia benvinda simples liu, alunus Terceira ano hein hodi simu madre iha veranda Mornese no alunus seluk iha kapela laran. Benvinda ne’e hahu ho orasaun iha kapela, hananu Magnificat ne’ebé menina balun hatudu iha dansa hodi simu madre nia visita ne’e nu’udar Me. Mazzarello rasik ne’ebé mai atu visita ami.

Ihal oron 10 de Maio festa hamutuk ho familia estudantes sira nian, ne’ebé barak mai husi fatin dook, maibe familia haksolok atu mai partisipa festa mahein escola nian.  Ho tempo hanesan inan aman bele hare valores ne’ebé oan sira hetan durante primeira semester. Festa ne’e hahu ho misa ne’ebé Pe. José de Sâ, SDB mak selebra. Iha homilia pe.José hahu hodi komprimenta  me.Paola, irmãs komunidade, inan aman  no alunus sira.

Padre hateten Reitór-mor no Madre Geral husu nafatin atu ita fila fali ba abut charisma nian katak ita nu’udar DB no MM nia liman rohan tenke iha fuan ne’ebé nabilan ba apostoladu. Wainhira ita selebra festa fundador ou co-fundador fo hanoin mai ita aspect rua :fila fali ba ita nia abut no domin ba servisu, hodi moris tuir caridade pastoral mak : FO GLORIA BA MAROMAK NO SERVI MAUN ALIN SIRA. Pe.Mos koalia uitoan kona ba Madre Mazzarello nia biadata.

Iha momentu agredecimentu nian, madre Paola hato’o liafuan badak ruma ba ami hotu dehan, dala barak iha madre Mazzarello ninia surat sira nia temi bei-beik  liafuan rua ne’e:  HADOMI JESUS no HAKSOLOK NAFATIN.  Ita tenke hateke nafatin ba Jesus iha krus,  laran metin  ba Nia no husik atu Nia hela iha ita nia fuan. Domin mak halo ema crea ksolok los iha laran. Liafuan rua ne’e mos Papa Fransisco hato’o ba familia sira ne’ebé halibur hamutuk iha plaza são Pedro. Papa mos hateten ba familia sira, uza liafuan Evangelho são Mateus nian ne’ebé dehan : ” Mai besik Hau imi hotu ne’ebé kole,  Hau sei fo kma’an ba imi. Tempo ohin loron susar atu eduka oan sira maibe keta lakon descoragen, tanba Na’I hatene imi nia susar no terus, Na’I hatene mos imi nia hakarak. Depois de misa iha grupo sira ne’ebé apresenta sira nia drama badak, kanta no dansa. Festa ne’e taka ho han hamutuk, hafoin familia idak-idak fila fali ba nia fatin.