Venilale – Preparasaun ba Natál Na’i nian ba foin-sa’e ruma iha Venilale, entrega ba FMA komunidade rua: Komunidade Maria Auxiliadora no Komunidade Maria Mazzarello. FMA sira sempre disponivel atu prepara sarani sira atu hakbesik Sakramentu Rekonsiliasaun nian, hodi prepara an ba festa boot Na’i nia moris nian iha Rai.

Grupu sira ne’ebé hatán ba Parókia nia konvite mak eskola primária no eskola pre-sekundária públika no eskola sekundária jerál katólika.

Reflesaun ba tempu ne’e kona-ba “santidade” foti husi Amu-Papa nia Exortasaun apostólika “Gaudete et exsultate”. Ho ezortasaun apostólika ida-ne’e Amu-Papa hakarak nalian hikas bolun ba santidade hodi hatudu “ninia risku sira, dezafiu sira no oportunidade sira”.

Dalan ualu santidade nian katak “Rahun-di’ak sira” mak pobreza fuan nian – ne’ebé signifika mós austeridade moris nian, reaje “ho laran-maus” iha mundu ida ne’ebé halo funu iha fatin hotu; “korajen” atu husi ema seluk nia terus “sona borus” ita no iha “kompaixaun” ba sira – enkuantu “mundu la haree, hateke sees tiha ba sorin”, no hamrook ba justisa. Ninia núkleu mak “hateke no atua ho mizerikórdia”, ne’ebé signifika tulun ema seluk no “perdua mós”, “rai fuan moos husi buat hotu ne’ebé hafoer domin: ba Maromak no maluk, ne’e mak santidade.

Depoizde input badak, sira halo ezame konxiénisa hodi prepara an atu hakbesik ba Sakramentu peniténsia no rekonsiliasaun nian.