Fuiloro, 11 Dezembru 2019, loron espesial ba aluna graduada 34 ne’ebe simu  Sertifikadu Administrasaun Jeral 1 & 2 iha loron ne’e maski sua Exelencia Secretario Estado da SEPFOPE no Parte INDMO la marka prezensa iha seremonia nee, maibe buat hotu lao ho diak ho susesu.  Tanba molok tama ba loron graduasaun nian, aluna sira prepara espiritualmente  Retiro no konfesaun  husi Padre Isaias Bonifacio, SDB iha loron 09 Dezembru 2019. Topik ba retiru ne’e mak foka liu ba foinsae sira ho mundu dijital ohin loron, hodi hanoin katak foinsae sira presiza uza maibe mos uza tuir etika moral. Hahalok diak ka aat depende ba ema ida-idak nia konsensia moral. Haree ba pontus hirak ne’e husu ba edukadores hotu atu tau atensaun ba mundu dijital liu husi Pastoral Dijital, mak hanesan meius komunikasaun ne’ebe bele fo impaktu diak liu katekese, liafuan diak iha FB ne’ebe sira bele asesu lor-loron.  hafoin loron 10 Dezembru 2019 misa agradesimentu ba Graduada sira ne’ebe remata ona kursu iha tinan ne’e.  Misa hahu lokraik oras tuku 18: 00 OTL, preside ba misa ne’e mak Amo Rector Lospalos, Pe. Tomas de Carvalho, SDB. Iha omilia nia sublina liu kona ba responsabilidade iha serbisu fatin no fo kualidade ba ita  nia moris iha tempu prezente no agradese nafatin.

Iha loron 11 Dezembru 2019 mak loron graduasaun ba aluna 34 ne’ebe hamahan an iha Sentru Formasaun Computer Maddalena Morano Fuiloro. Madre Alma Castagna, FMA mak nu’udar Diretora Jeral ba Sentru ida ne’e, hato’o lia fuan ba graduada sira ho Don Bosco nia moris liga ho serbisu. Serbisu nudar karpinteiro, solda besi halo buat oin-oin atu nia manan osan nune’e nia bele estuda. Esperensia ne’e halo Don Bosco konsente kona ba importansia serbisu nian, serbisu fo dignidade ba ema ne’ebe bele partisipa ba Maromak nia hahalok. Kursu ida ne’e bele dehan katak halo tuir Don Bosco nia hahalok eduka ema ba serbisu. Objetivu atu menina sira iha kapasidade e kompetensia tama iha kampu serbisu nian hodi fo sira nia kontribusaun.

Reprezentante husi SEPFOPE Lospalos, Sr. Juvencius F.H Verius, hato’o mos lia menon ba graduada sira dehan, xave ba kareira professional iha buat 3:

1. koñesimentu
2. Abilidade
3. Atutide diak

Bainhira ita iha koñesimentu ita tenke iha abilidade ne’ebe diak, bainhira ita iha abilidade ne’ebe diak ita mos iha attitude ne’ebe diak. Se ita iha koñesimentu no abilidade diak maibe attitude ladiak  ita labele hetan serbisu, tanba serbisu laos buat fasil ne’ebe ita bele hetan lalais maibe difisil atu hetan.

Liafuan diak no korajen hotu ne’e sai bukae diak ida ba graduada sira nia susesu.

(Inest Bartolo Freitas)