Don fortaleza  nian mak tema katekeze Papa Francisco nian iha kuarta 14 Maiu. Hodi kontinua siklu katekeze kona-ba don sira Espíritu Santu nian, Amu-Papa enfatiza katak fortaleza tulu atu la’o ba oin, maski hasoru difikuldade sira iha moris loroloron nian.

Atu esplika kona-ba don ne’e, Papa Francisco uza aikanoik ema ne’ebé kuda fini, hodi kari fini, katak Liafuan, maibé dalabarak, fini ne’e hasoru fuan maran no toos no iha risku atu sai estéril.

Asesu Katekeze ho lia-portugés

“Ho don fortaleza nian, Espíritu Santu liberta rai, katak ita-nia fuan husi malirin, inserteza no ta’uk hotu ne’eb´ebele impede Nia. Ne’e mak tulun loos ida, basá haraik kbiit mai ita no liberta ita husi impedimentu barak”.

Francisco hateten katak, ohin, la kuran situasaun sira persegisaun nian, iha ne’ebé sarani sira kontinua fó sasin nia fiar, maski tenke selu ho moris rasik. Ne’e mak buat ida esplika-laek umanamente, situasuan ida ne’ebé be;e esplika de’it ho Espíritu Santu nia tulun, ne’ebé hariak fortaleza no konfiansa maski iha momentu difisil liu moris nian.

“It ahotu koñese ema ne’ebé mrois situasuan difisil, terus barak. Mane no feto sira ne’ebé lori moris difisil, luta atu lori ba oin família no eduka oan sira. Ema sira ne’ebé la koñese naran, maib´eonra ita-nia povu, ita-nia Igreja, basá sira forte. Sira konsege buat ne’e, tanba  sira soi fortaleza ne’ebé tulun sira. No sei halo di’ak mai ita hanoin ema sira-ne’e, basá sira konsege, tanba sá ita la konsege?”

Maski nune’e, don fortaleza nian la’ós nesesáriu de’it iha kazi estraordináriu sira, Amu-Papa ressalta, maibé tenke haburas santidade iha mori slorloron nian. Nia fó hanoin fraze ida Apóstolu Paulo nian: “Ha’u bele buat hotu iha Nia ne’ebé habiit ha’u”.

“Na’i la hariak mai ita prova ida boot liu ita nia kbiit atu tolera. Nia nafatin ho ita. Dalaruma, ita bele hetan tentasaun atu husik baruk no dezánimu lori ita, liuliu, iha kolen no provasaun sira moris nian nia oin. Iha kazu sira-ne’e, ita invoka Espíritu Santu atu, ho don fortaleza nian, bele alivia ita-nia fuan no komunika forsa foun entuziazmu nian ba ita-nia moris”.

Papa Francisco hahú siklu katekeze nian kona-ba don Espíritu Santu iha loron 9 Abríl. No to’o ohin  nia reflete ona don sira sabedouria nian, entendiemntu nian, konsellu no fortaleza nian.