Dili – Komunidade edukativa Provínsia FMA TIN (Tior-Indonesia) husi loron 6-8 Dezembru halo programasaun ba tinan 2020. Partisipante sira hamutuk na’in 41 inklui leigu no foin-sa’e sira. Programasaun tinan ne’e foka iha “Sinodalidade” ka “estilu sinodál”, hodi foti indikasaun husi Kapitulu Inspetoriál.

Molok programasaun  Padre Agostinho SDB halo lectio badak kona-ba sinodalidade hhodi bazeia ba leitura Apóstolu sira-nia Hahalok, 6.1-7, kona-ba instituisaun diakónu sira-nian.

Komunidade Inspetoriál hakarak atu hodi sai “fiél ba karizma, ita asume estilu sinodál no hatán ba dezafiu ohin loron nian hodi serbisu hamutuk iha rede, kualifika ita-nia edukasaun no evanjelizasaun no kontinua akompaña foin-sa’e sira iha sira-nia krexmentu integrál”.

Atu to’o ba objetivu boot ne’e Komunidade edukativa inspetoriál individua modalidade ruma hanesan forma an hamutuk hodi hakle’an estréia 2020; serbisu hamutuk ho istituisaun relevante sira atu fó formasaun ba foi-sa’e sira kona-ba afetividade; akompañamentu husi inísiu no kontínua ba antiga/u aluna/u sira, hodi iha Irmán responsavel iha komunidade ida-idak; halo asaun vokasionál liuhusi social media; kontaktu foin-sa’e sira liuhusi social media;  kontinua hakle’anSistema Preventivu; halo meza redonda kona-ba sidadaun onestu hodi envolve institutisaun relevante sira; estuda situasaun juveníl liuhusi perspetiva oioin hodi prepara ba tinan 150 Institutu FMA; estuda no reflete posibilidade atu kontinua eskola EBMA to’o ESG.

Aleinde modalidade sira-ne’e, kada Ámbitu iha loron 9 Dezembru halo mós ninia programa bazeia ba modalidade sira-ne’e atu hatama iha ninia atividade sira ne’ebé sai ona ita-nia tradisaun no ne’ebé halo parte ona ita-nia moris iha tinan ida nia laran.