Dili – Ohin loron 17 Novembru 2019, komunidade Divina Providénsia (DP) oferese ba menina sira formasaun kona ba “MEIU KOMUNIKASAUN SOSIÁL” husi señor Delfim de Oliveira.

Señor ne’e hato’o ba menina sira oinsá atu uza meiu komunikasaun iha tempu agora hodi haree ba ninia vantajen no desvantajen.

Iha sorumutu ba momentu ne señor Delfim hatete katak Meiu Komunikasaun Sosiál maka hanesan: Facebook, WP, YouTube, Twitter, nst.

Nia hatutan tan katak:

• MEIU= mak hanesan dalan ida
• KOMUNIKASAUN= mak hanesan oinsa ita ema komunika ba malu
• SOSIÁL= katak ema hotu nian

Tanba ne’e Meiu Komunikasaun hanesan dalan ida ne’ebé maka ema uza hodi komunika ba malu no ba ema hotu nian maibé la’ós ba privasidade.

Nune’e husi formasaun ida ne’e tulun ami aprende kona ba oinsá ami atu uza meiu komunikasaun ho responsabilidade hodi asessu ba informasaun sira ne’ebé maka bele fó benefísiu mai ami no mós atu halo ami tau atensaun ba Meiu Komunikasaun Sosiál ne rasik.

(Mariana Tilman no Abiuda Monteiro)