Dili – Loron ikus Kapítulu Inspetoriál nian, 29 Outubru 2019, nu’udar loron atu haree proposta sira ba Kapítulu, loron dixernimentu ba votasaun dokumentu no eleisaun delegada ba Kapítulu Jerál.

Loron ne’e hahú Santa Missa no Laudes ne’ebé prezide husi Padre Provinsiál, Pe. Apolinário Neto SDB. Padre Apolinário fó parabéns ba Kapitulár sira aleinde rekordasaun ba kapitulár ida-idak, porta-xave Maria Axiliadora nian.

Tanba horisehik la konsege remata redasaun ba pergunta datoluk, nune’e mak momentu dahuluk dedika ba aprezentasaun redasaun nian kona-ba “hilin ida-ne’ebé de’it mak bele halo komunidade sira sai sinodál iha estilu animasaun no governu, sinerjia entre vokasaun diferente, ba misionariedade profétika ida” atu hetan apresiasaun husi kapitulár sira.

Momentu daruak, ho Reguladora nia orientasaun, dedika ba serbisu kona-ba proposta sira ba Inspetoria no ba Kapítulu Jerál. Proposta sira konverje iha estudu kle’an kona-ba juventude nia situasaun, iha serbisu hamutuk ho Instituisaun ekleziál ezistente iha Rai laran no Familia Saleziana atu ita bele hatán ba foin-sa’e sira nia presiza, ba kontinuidade iha eskola Maria Auxiliadora, iha apoiu no akompañamentu ba Antiga/u Aluna/u sira, nst.

Iha parte loraik, Kapitulár sira, hodi Prezidente nia gia, Kapitulár sira halo votasaun ba Dokumentu ne’ebé sei haruka ba Roma. Depoizde votasaun ba dokumentu, kontinua ho momentu Orasaun no Adorasaun hodi prepara ba eleisaun ba Delegada ba Kapítulu Jerál.

Asembleia Kapitulár remata ho assinatura delegada sira-nian, ne’ebé konfirma prezensa iha momentu pentekostál ida-ne’e.

 

(Komisaun Komunikasaun)