Papa Francisco nia katekeze – 23 Abríl 2014

Iha katekeze kuarta, 23, Papa Francisco dedika atu ko’alia kona-ba ksolok mai husi Jezús nia Resurreisaun. Ne’e mak ksolok loos no kle’n, bazeia ba serteza katak Kristu sei la mate tan, maibé moris nafatin, maibé moris nafatin no ativu iha Igreja no mundu.

Asesu Katekeze ho lia-portugés

Santu Padre konsentra, ho modu espesiál, iha fraze ne’ebé anju sira hateten ba feto sira iha Jezús nia rate: “Tan sá imi buka Nia ne’ebé moris iha mate sira leet?”. Liafuan sira ne’e, dirije mós ba ema sir aohin nian, ne’ebé ho forma oioin, taka an iha sira-nia egoízmu, tanba kaan sir amundu nian, osan no susesu, hodi husik Maromak no hewai maluk sira.

Husi parte seluk, Papa Francisco fó hanoin katak la’ós sempre fasil atu aseita Kristu Moris-hi’as nia prezensa iha ema nia leet. Ita bele sai hanesan S. Tomé, ne’ebé hakarak kona Jezús nia kanek atu fiar, eh hanesan Maria Madalena, ne’ebé haree Jezús, maibé la rekoñese nia; eh mós, hanesan eskolan Emaús nian, ne’ebé, tanba lakon esperansa, sira la nota katak Jezús rasik mak akompaña sira tuir dalan.

Liutiha frakasu ida, ba ema ne’eb´elakon esperansa, sente mesak, Papa Francisco fó hanoin katak lia-husu ne’ebé anju sira halo, tulun manán tentasaun atu hateke ba kotuk no dudu ita ba futuru.

“Jezús la hela iha rate laran, Nia moris hi’as! Ita labele buka iha mate sira leet Ida ne’ebé moris!”, Papa Francisco hateten, hodi husu atu ema lubun boot iha Prasa repete anju sira nia liafuan. “Ita keta bá buka rate  bara-barak ne’ebé ohin loron promete buat ruma, no ilusmai la fó buat ida. Nia moris. Tanba ne’e ita tenke hetan fali kbiit husi Kristu Moris-hi’as, atu ita bele sai husi ita-nia espasu laran-susar nian no loke an ba esperansa ne’ebé hasai fatuk sira husi rate no fó mai ita barani atu haklakenm iha mundu, Evanjellu moris nian”.