Dili – Husi 8-12 Outubru, iha Dili-Comoro,  Madre Alma fó formasaun ba neo diretora nain tolu, Ir. Ligia superiora iha Divina Providensia, Ir. Apolonia sei ba superiora iha Bondokodi no Ir. Alexandrina sei ba superiora iha Jakarta.

Formasaun ho topiku oi-oin: Servisu autoridade nu’udar dalan fiar nian; ne’ebe hanorin, fahe no favorese partesipasaun nian, autoridade ne’ebe manda no deside,  ne’ebe fo konselu no kurije. Ne’e mak reflesaun sira ne’ebe ami simu.

Fonte sira mai husi Biblia, Konstitusaun, Projeto Formativa, Orientasaun ba etapa Formativa Junioradu.

Figuras sira mak Don Bosco Madre Mazzarello, Abrão aman fiar nian no Paulo Evanjelizador no liu-liu Nai Feto ne’ebe prontu nafatin atu halo tuir Maromak Nia Lia Fuan.

Makanizmu: Lor-loron iha input, momentu atu interiorza konteudu ne’ebe apresenta husi  Me Alma, momentu reflesaun pesoal, sharing no halo empenu ba futuro. Topiku seluk mak kona ba Segretaria apresenta husi Sr. Julia no Economia apresenta husi Sr. Carmen Ramos B.

Ami nia agradese tebes ba Irmán sira ne’ebe fahe sira nia matenek no sira nia esperiensia mai, tulun no prepara ami atu sai diretora ne’ebé hatene anima no governa tuir Don Bosco ne’ebé dehan: “Ba iha komunidade la’os nu’udar superiora maibe nu’udar belun, bin no inan, ita nia ordem mak karidade”.

No anima governa tuir Madre Mazzarello nia hanorin: “La’o ba oin ho simplisidade, la buka ksolok nem husi kriatura sira, hanoin deit atu hala’o didi’ak ita nia knaar”. L 24,4.  “Ami hetan ami nia ksolok hodi serbi ami nia Irmán no foin-sa’e sira”

 

Husi Irmán sira: Apolonia, Ligia no Alexandrina