Papa Francisco nia katekeze – 16 Abríl 2014

Iha Semana Santa, Kristu nia krús mak sentru relfesaun Papa Francisco nian, iha kaekeze kuarta 16 Abríl nian, iha Prasa S. Pedro. Santu Padre enfatiza Ressurreisaun nu’udar intervensaun Aman Maromak nian ne’ebé lori esperansa.

Asesu Katekeze ho lia-portugés

Francisco ko’alia kona-ba liturjia loron nian, ne’ebé haktuir Judas nia traisaun, ne’ebé marka Kristu nia paixaun nia hahú. Ne’e mak dalan terus ida  ne’ebé Jezús hili ho liberdade tomak no to’o iha puntu kle’an liu katak, mate iha krús.

“Hateke ba Jezús nia Paixaun, ita haree, hanesan iha lalenok ida, sofrimentu umanidade nian no it ahetan resposta Maromak nian ba mistériu aat nian, terus no mate nian. Dalabarak, ita sente orrór ba aat no ba terus ne’ebé hale’u ita no ita husu oinsá mak Maromak husik sofriemntu no mate, liuliu inosente sira-nian. Bainhira ita haree labarik sira terus, ne’e kanek ida iha fuan. No Jezús foti aat ne’e hotu, terus ne’e hotu ba nia An”.

Hodi aseita umillasaun ne’e hotu no mós frakasu tanba domin, Jezús manán mate. Tuir Amu-Papa, se  nia mate aat ne’e la eziste, Jezús la hatudu Ninia domin boot nia sasukat. Ne’e dalan ida ne’ebé la la’o ho kritériu umanu sira, basá kura liuhusi kanek sira.

Ressurreisaun mós hatudu, konforme Amu-Papa esplika, katak bainhira buat hotu hanesan lakon Maromak halo intervensaun. Tuir nia, momentu sira difisil liu moris nian, hatudu oras hamamuk an totál nian, hatudu ema nia frajilidade no hatudu ema nu’udar sala-na’in. “Iha momentu ne’e duni, mak ita labele subar ita-nia falénsia, maib´eloke an ho konfiansa ba esperansa iha Maromak hanesan Jezús halo”.

Francisco destaka katak, ema hanoin barak kona-ba Jezus nia terus. Entaun, ida-ne’e mak momentu ida atu rekoñese katak Kristu terus tan domin ba ema.