Dili – Iha loron 23 Setembro 2019, Me. Alma Castagna, FMA, hahu hala’o vizita Kanonika iha komunidade B. Eusebia Palomino, Comoro-Dili. Nune’e iha lokraik tempu rekreiu, Irman sira hamutuk ho Professores no Alunu sira 3⁰ Ciclo simu madre no fo Bemvinda ba madre liu-husi kantu ida. Alunu sira hotu simu madre ho ksolok iha GIM Maria Auxiliadora hafoin madre hato’o liafuan ruma ba Alunu sira hodi agradese ba ksolok ne’ebe sira espresa liu husi hamnasa midar no entusiasmo ne’ebe sira hatudu. Remata tiha ida ne’e irman sira akompaña madre mai kapela atu halo orasaun hamutuk hodi entrega momentu importante Vizita ne’e nian iha Inan Virjen  Maria nia gia no nia protesaun.

Ba inkontru dahuluk ho iman sira iha komunidade Me. Alma apresenta objetivu  sira husi ninia Vizita Kanonika. iha intrudusaun ba visita nia buka atu esplika klean objetivu husi visita Kanonika tuir Don-Bosco no Madre Mazzarello nia prespetiva katak “Santifikasaun Membro sira nian.” nune’e hela hamutuk hodi bele deskobre Santidade moris loron-loron iha komunidade, deskobre iha ema ida-idak no hirak ne’ebé haleu ita. Dala santidade komunidade nian mak orienta husi progeto komunidade nian. Tanba ne’e madre husu ba komundade atu hatene fo rasaun oinsa no ho se mak elabora progeto ne’e.

Iha loron tuir mai, 24 Setembro alunu sira husi Pre-Escolar to’o 2⁰ Ciclo fó mós Bemvinda ba madre ho kantu ida hafoin Madre fó Buogiorno ba aluno sira hotu, hodi foti liafuan sira husi kantu ne’ebé sira aprezenta ho titulo “Deus é Amor”. Husi liafuan ne’e madre dehan: Maromak mak Domin nia hun, ema ne’ebe esperiensia Maromak Nia domin nia haksolok nafatin. Hanesan Pe. João de Deus, SDB Misionario Salesiano ne’ebé foin mate, nia hatudu hamnasa midar nafatin. Imi hatene hamnasa midar beibeik ninia segredu? Kuase foto hotu nia hamnasa midar, maibe foto sira ne’e hahu ho frase ida: “hau fiar katak Maromak iha plano furak ba hau no hau kontinua.” Ninia segredo saida? Nia hatene Maromak hadomi nia no loron loron Maromak hadomi nia, entaun ninia haka’as an loro loron atu bele fo ksolok ba Maromak, ida ne’e halo nia hakmatek no haksolok. Tanba ne’e ba imi agora kedas Maromak iha plano ida ba imi, laos plano bain bain maibe plano furak liu ba imi. Entaun atu imi bele hetan ksolok, hamansa bei-beik buka atu loro-loro hader mai dehan: Nai hau sei halo tuir ita nia hakarak, hodi estuda didiak, la baku malu maibe halo diak ba malu. Ohin hau hatan ba Maromak nia domin ka lae? mensajen ne’e la’os de’it vale ba labarik sira maibe vale mós ba membru komunidade edukativa.

 

(Miranda da Cruz)