Laga – Iha loron 22 Setembru, iha dader orfanatu Beata Laura Vicunha Laga hetan vizita husi estudante John Paul College , Workstong-Australia. Estudante hamutuk nain 13 ho mesrtri nain 2. Ho objetivu atu kria amizade liu husi atividade: joga bola, joga karta, halo dezenu, sasin fuuk no estudante feto sira ajuda fo haris ba orfaun kiik sira.

Iha loraik tuku 14:00; grupu CVTL- Cruz Vermelha de Timor Leste husi Baucau, halo mos atividade ho orfaun sira hodi komemora loron mundial “Priemiros Socorros” nian ne’ebe selebra iha loron 14 Setembru liu ba. Objetivu husi vizita ne’e mak atu fo informasaun kona-ba prezensa Cruz Vermelha iha mundu tomak ho ninia misaun no fo konesimentu ba labarik orfaun sira, oinsa tulun ema ne’ebe hetan problema iha parte isin lolon nian ;kanek, liman-ain tohar iha momentu dezastre; liu husi palestra no simulasaun. Labarik orfaun sira haksolok tebes hodi kolabora ho ativa iha atividade dader no loraik nian.

(Alice Filipe Gama)