Papa Francico hahú siklu katekeze kona-ba don sira Espíritu Santu nian

 

Besik ema rihun 50 prezente iha Prasa S. Pedro, iha kuarta, 9 Abríl, ba Audiénsia Jerál ho Papa Francisco. Ohin nia hahú siklu foun katekeze nian: don sira Espíritu Santu nian: sabedoria, entendimentu, konsellu, siénsia, piedade no hamta’uk Maromak.

Asesu Katekeze ho lia-portugés

 

Koa’lia kona-ba don dahuluk, sabedoria, Francisco temi Liurai Salomão, ne’ebé, iha momentu foti nia ba liurai, nia husi “fuan ida ne’ebé hatene rona, ne’ebé hatene dixerne entre di’ak no aat”. Sabedoria mak loos duni buat ne’e, Amu-Papa esplika: “Grasa atu haree buat hotu ho Maromak nia matan. Dalaruma, ita haree sasán sira ho konveniénsia eh tuur ita-nia fuan, ho domin, ho ódiu eh ho inveja. Ida-ne’e la’ós Maromak nia matan”.

Nune’e, sabedoria, la mai husi intelijénsia ka koñesimentu ne’ebé ema ida hetan, maibé husi intimidade ho Maromak, “husi oan sira no Aman”.

“Bainhira ita hamutuk iha komuñaun ho Na’i, Espíritu Santu nakfilak ita-nia fuan no halo ita sente Ninia babesik no predilesaun tomak; entaun, buat hotu ko’alia mai ita kona-ba Maromak no sai sinál Ninia laran-sadia  no Ninia domin nian. NIa halo ita sai matenek, la’ós iha sentidu atu hatene buat hotu ka iha resposta ida ba buat hotu, maibé iha sentidu atu saboreia Na’i. Ita-nia fuan no ita-ni amoris iha gostu, iha sabór Maromak nian”.

Santu Padre destaka tan katak importante iha sarani sira hanesan ne’e iha komunidade sira, hodi sai sinál moris Maormak nia prezensa nian. Maibé ida-ne’e mós don ne’ebé Maromak haraik ba sira ne’ebé sai loke an ba Ninia Espíritu. “Ita hotu soi iha ita-nia laran Espíritu Santu, iha ne’ebé ita bele rona eh la rona. Se ita rona Nia, ita sei soi Na’i nia sabedoria”.