Venilale- Tinan-tinan festa agradesimentu inspetoriál nafatin iha tema tuir Inspetoria nia programasaun. Ba tinan ne’e ita hakle’an kona-ba Santidade iha ita-nia odamatan sorin, hanesan Amu-Papa ko’alia iha “Gaudete et Exsultate” no Reitór-Mor konvida iha estreia 2019.

Inspetoria propoin Lectio kona-ba “Joven Naim nian” iha ne’ebe Jezús halo nia moris-hi’as fali husi mate: “Klosan, hamriik bá” (Lc 7,11-17).

Ne’e mak empeñu ne’ebé sira foti atu moris pasajen evanjélika ne’e:

 

GRUPU DOM BOSCO

1. Tulun maluk neebe lakon konfiansa ba an rasik no lakon korajen no hafanu fali husi situasaun sira ne’e.
2. Ajuda ema seluk ho orasaun
3. Hadomi ema seluk hanesan o-an rasik
4. Rona maluk sira, mestre/a sira no ema hotu ne’ebé besik ita.
5. Laran luak nafatin
6. Fiar
7. Hatene agradese

Empenu grupu DB nian mak: hatene rona, no hatene agradese

GRUPU CIMATTI

1. Keta tanis wainhira hasoru problema se Jesus nafatin hamutuk ho ita.
2. Laran sadia ba ema nia difikuldade
3. Wainhira monu ba tentasaun koko atu hamriik fila fali
4. Hakbesik ba Jesus atu dehan ita nia problema no susar sira
5. Fiar iha Jesus o sei hetan moris hias

GRUPU LAURA VICUÑA

1. Liu husi Evangelho ida ne’e tulun ha’u atu sai husi ha’u nia salan sira, no agradese ba Me. Alma nia laran luak no nia prezensa nuudar inan.
2. Marka prezensa iha hirak ne’ebé lakon esperansa no hirak ne’ebé hasoru difikuldades iha sira nia moris liu husi ami liafun no jestu sira.
3. Buka hakbesik ba isra ne’ebé lakon esperansa, konsola sira ho ami nia liafuan diak sira.
4. Liu husi Evangelho ida nee tulun ha’u atu hamriik husi sala mate nian hodi hala’o ha’u nia knaar didiak no agradese ba Me. Alma ne’ebe tulun ha’u liu husi material no Espiritual nian.
5. Agradese ba Me. Alma neebe sia nu’udar ai-hun ida mai ita foinsa’e sira. Agradese ba Maromak tambaa saran me. Alma nu’udar inan mai ita.

GRUPU MAZZARELLO

1. Kolia kona ba joven sira nia realidade ohin loron ne’ebé soe labarik arbiru, ladun iha moral, halo buat hotu tuir sira nia hakarak (hemu tua, joga, relasaun mane no feto nst…)
2. Ba joven sira agora ne’ebé hetan difikuldade barak ho sira nia modern agora.
3. Nafatin pronto atu hasoru difikuldade, nuudar edukador, feto faluk
4. Ba realidade agora iha ne’ebé feto balun ladun haree ba sira nia oan, la hanesan iha Evangelho ne’ebé dehan feto faluk ne’e tanis ba nia oan ne’ebé mate.
5. Oinsa Jesus koko ita nia fiar atu ba iha dalan ne’ebé lo’os.