Reflesaun kona ba livro Chistus Vivit husi Amu-Bispu Virgilio do Carmo SDB no mensajen husi ‘Presidente da República’ liu husi ninia assesora sr. Zelia Fernandes iha 24 Agostu.

Iliomar – Uluk knanai Infelizmente prezidente Repúblika la marka presenza iha Kruz Joven ho motivo tanba iha serbisu governu nian ne’ebé nia la bele abandona, nune’e nia haruka ninia assesora sra. Zelia Fernandes atu komunika ninia mensajen ba joven sira no simu proposta balun husi joven sira. Presidente husu ba joven sira atu halo dialogo ho joven sira husi Indonesia ne’ebé mak marka presenza iha kruz joven ida ne’e hodi fahe hanoin diak ba malu, halo dialogo sira ne’ebé hariku malu hodi bele participa attiva iha Kreda no Nasaun. Presidente konvida joven sira atu aplika iha moris Amu-Papa Francisco nia hakarak ne’ebé husu joven katolika atu nafatin sai joven revolusionaria hodi luta kontinua, labele sai sidadaun pasiva maibe ida ne’ebé halo trasformasaun atu tau matan ba planeta no tenki hatene katak tempu foin sa’e mak tempu esperansa nian. Tanba ne’e husu ba foin-sa’e sira atu fiar katak ita bele hetan no bele harii nasaun ida nebe sidadaun moris iha dame laran no hakmatek nia laran.

Depoisde mensajen Presidente nian, Amu-Bispu Virgilio fahe ho joven sira esperiensia Sinodo Joven sira, kona ba foinsa’e fiar no dicernimentu vokasional. Bispu hato’o Amu-Papa nia preukupasaun ba joven sira hodi halo Sinodo no hakerek karta furak ida Chistus Vivit. Amu-Bispu halo reflesaun kona ba Chistus Vivit ho joven sira no ikus entrega livru ida idak ba Parokia sira, ba madre no frater sira hodi husu ba joven sira hotu atu bele estuda no haklean nudar formasaun ba tinan ida ne’e, atu kruz joven iha Lolotoe ita bele fahe reflesaun ruma ba malu hamutuk ho plano de asaun balun ne’ebé sei implementa iha ida idak nia fatin. Amu-Bispu koko hatan ba joven sira nia halerik husi livro Chistus Vivit,kona ba formasaun no orientasaun ruma, ohin Kreda hatudu preokupasaun ba foin-sa’e sira, saida mak Sagrada Escritura ko’alia ba joven sira. tan foinsae iha Maromak nia matan, imi mak Maromak nian. Tanba ne’e Amu-Bispu husu ba joven sira katak tempu juventude mak tempu osan mean tansa? Tanba tempu atu deside ba imi nia futuro. Idade juventude mak frajile tebes se la usa didiak imi nia tempu, imi straga imi nia futuro, maibe se usa ho diak imi sei realiza mehi furak. Joven sira nebe krisi laos imi mak krisi maibe mundu mak krisi, mundu nakonu ho scravidaun no mundo mos oferese buat diak barak, hanesan ambiente digital. Kultura digitalizasaun nia halo buat hotu sai facil nebe iha impaktu dian no aat. Rede social iha dalan atu liga malu mak plazza iha ne’ebe joven sira hasoru malu, buat diak maibé sai aat wainhira ita usa sala, ka abuja hodi krea dependensia katak labele husik hela telefone iha uma, se ita la’o ba fatin ruma. Ita hanoin atu fila fali ba uma atu foti. Laos deit dependensia maibe mos sai atan ba telefone husik nia mak domina ita duke ita mak domina nian, ninia konsekuensia halo ita sai solidaun, katak hela mesak, dook husi ema seluk. Ita krea ita nia mundo ketak. Agora problema ida ne’e mak Amu-Papa husu katak la’os ita nia sala deit maibe ita hotu nia sala.husu mos ita hotu nia kontribuisaun atu hafoun fali. Ba id ane’e Amu-Papa husu lia los tolu, uluk knanain Maromak mak Domin: Maromak hadomi ita, no ita nunka duvida kona ba Ninia domin, Kristu salva o: Nia perdua la’os dala hitu maibe hitunulu dala hitu no ikus Chirstus Vivit: ita fiar iha Maromak moris,tan ne’e joven ida tenki iha spiritu optimismu, se Kristu moris hau mos moris. Amu-Bispu konvida joven atu sira nia mehi labele sai hanesan manu makikit(hau mak ida ne’e ona, radikal demais maibe tenki hanoin tempu juventude labele hela deit iha fatin. Idade ida ne’e atu halo hilin, joven madura iha kriterio barak atu hili. Hili vida ida tenki prepara agora, hili ida tenki halo projetu da vida. Projetu nebe tenki iha objetivu ida, labele tuir deit laloran anin nian. Tan ne’e Amu-Bispu konvida joven sira atu fila ba uma halo projetu da vida no sai ajente pastorál iha fatin sira ne’ebé imi horik ba.

Viva Kruz joven. Kruz sei viajen husi Iliomar sai tuku 3 loraik sei toba tuir dalan iha Manatuto, Liquisa, Maliana hafoin ba Lolotoe.

(Júlia Marçal-Apolonia Golda)