Dili – Iha loron 7-8-2019 Ir. Nieves mai visita komunidade S. João Bosco Balide, ami (irman, postulante no menina) simu nia ho dansa kultura no dansa bem-vinda husi foinsa’e kursus sira.

Depois de ida ne’e ho kántiku “canta e cammina”  ami akompana Ir. Nieves ba iha kapela,halo orasaun hamutuk, remata tiha orasaun Ir. Nieves fo liafuan nu’udar ninia agradesimentu ne’ebe dehan “Ha’u orgulhu tebes, no ha’u hanoin katak Ha’u mai atu hasoru de’it menina sira ne’ebe hakarak atu sai Madre no ha’u la espera katak iha ne’e mos iha foinsa’e barak tebes. Hanesan imi nia kánta ne’ebe imi hananu ha’u konvida imi atu kontinua hananu, no la’o hamutuk iha komunidade ida ne’e.

Enkontru ho postulante nain rua hamutuk ho diretora,asistente, no madre provincial.

Enkontru ida ne’e nia tema kona-ba ‘ formasaun inisial postulantadu’, no postulante nain rua fahe sira nia esperensia kona ba “Jezus nia bolun” durante formasaun inisial to’o etapa postulantadu.

Remata enkontru   merenda hamutuk ho komunidade, hafoin Ir. Nieves disponivel ba Irman sira ne’ebe hakarak kolokiu pessoal ho Madre konfraternizasaun hamutuk. Molok madre husik komunidade Nia hato’o liafuan badak.

Obrigada barak Ir. Nieves ba ita nia prezensa ne’ebe lori ksolok, no korajen mai ami.

(Postulante Ana Luzita no Laura)