Laga – Ohin, 10 Agostu, iha Laga loron kmanek liu ba Irmán Perpetua husi Zona Baucau tan bele hasoru malu ho Madre Nieves. Ami kontente no hein ba momentu ida ne’e. Hotu-hotu ho entuziasmu maski ho kondisaun estrada ne’ebé aat liu maibé iha hakarak atu simu no rona lia fuan murak ruma husi Madre konsellu jerál ba Formasaun.

Enkontru hahú ho kantu ba Espírito Santo.

Madre aprezenta tema no fó kedas  pergunta sira ba  ami atu reflete no share iha grupu kiik.

Rona ita nia esperiénsia

1. Ba ha’u formasaun permanente kata sá?
2. Oinsá hau moris ha’u-nia dalan formasaun Permanente ida ne’e?

Depoizde sharing iha grupu ami aprezenta iha assembleia.  No Madre hahú nia konferénsia no konvida ami atu hanoin didi’ak sharing husi grupu sira tan sei hetan resposta sira iha konferénsia. Tema prinsipál iha konferénsia mak “Docibilitas”. Ninia signifikadu, orijem lia fuan Docibilitas, no ninia karateristika sira.

1. Responsabilidade pesoál
2. Integrasaun moris nian
3. Entrada formativa ne’ebé di’ak
4. Kapasidade relasaun nian ho ida ne’ebé a’as liu

Docibilitas katak aprende husi buat hotu ne’ebé akontese iha moris!

Madre hahú ho pergunta no taka mós ho pergunta. Pergunta sira atu remata ami nia enkontru mak: Ideia sira ne’ebé kona ami, empeñu saida mak ami sei halo depoizde enkontru ida ne’e?

Ami remata ami nia enkontru hodi agradese Madre ho knananuk “Servo per amore”

Obrigada no boa viagem Madre doben.

 

(Alexandrina Pinto)