Venilale – Iha loron 8-9 Agostu 2019, Irmán Maria Nieves mai visita komunidade Maria Auxiliadora nune’e ami  haksolok hodi simu nia iha ami nia leet ho dansa tradisional nian. Iha visita breve ida ne’e Irmán Nieves hasoru pre-aspirante sira no aspirante sira ketak  hodi ko’alia no husu pergunta ba sira ne’ebe relasiona kona ba sira nia formasaun no kamiñu. Finalidade ba formasaun mak atu asume gradualmente Jesus nia sentimentu sira, nia atitudi sira.  Iha lorokraik Irmán Nieves mos ho laran kmaan hakat liu ba orfanatu S. Domingos Savio-Venilale, labarik sira hotu haksolok tebes hodi simu Irmán Nieves ho sira nia kantu no dansa simples; objetivu visita ida ne’e  atu hare sira nia situasaun no hakarak atu koñese sira no Nia mos fó hela lia menon ba sira atu haka’as an estuda no deskobre ksolok los ne’ebé subar hela iha sira nia fuan laran

Ikus nian ami agradese Irmán Nieves nia visita ho Santa Misa, han kalan hamutuk no presentasaun badak iha italiano  kona ba formande sira nia kamiñu vokasional no hamutuk   hananu agradese nian ba Irmán Nieves .  Nia  repete Madre Mazzarello nia liafuan “ ita hasoru malu iha Jesus nia futar fuan santu”.

Ho fuan grratidaun nian ami agradese ba Irmán Nieves nia prezensa ne’ebé fahe ksolok no fó korajen atu kontinua serbí Kristu iha moris loron-loron nian no sai sasin kredivel tuir Espiritu Salesiana nian.

Obrigada!

Ir. Domingas Pereira, FMA