Fuiloro – Iha loron 08 Agostu 2019, oras tuku 15:30 Lorokraik, Komunidade Beata Madalena Morano Fuiloro, hetan vizita espesial husi Secretaria de Estado para Igualdade e Inclusão – SEII,  Sra. Maria Jose Fonseca Monteiro de Jesus ho nia ekipa sira mai vizita Komunidade no mos haree Centro de  Formação  Secretariado Computer ne’ebe mai direita hare fatin ne’ebe sira pratika no halo teoria iha tempu aprendizajen nia laran. Menina sira hotu ho ksolok simu sua exelensia ho dansa no knananuk Benvinda nian, tanba nudar feto Timor oan ne’ebe dala uluk mai vizita Kolejiu FMA Morano  ho total menina 105 inklui SPP no Kursus. Iha oportuniade ne’e mos agradese tebes tanba Ekipamentus barak ne’ebe sentru hetan mai husi apoiu Governo Timor Leste liu husi SEPFOPE ne’ebe ajuda ona menina barak ne’ebe oras ne’e hetan ona serbisu iha Misteriu, NGO no mos setor privadu seluk.

Mensajen badak mos  hato’o husi Sra Maria Jose fonseca, ne’ebe dehan: menina sira ne’ebe hela iha kolejiu ne’e, aprende estuda sai matenek tanba imi mak aban bairua sei troka fali ami nia fatin iha Governo. Nudar Feto Timor oan  enkoraja tebes feto maluk sira atu sai ema matenek no iha kualidade diak ba futuru nasaun ida ne’e. Alin sira badinas estuda atu bele susesu iha imi nia karera ne’ebe prepara ona ba imi iha imi nia futuru. Halo tuir madre sira ne’ebe eduka no fo fo hanoin diak ba imi lor-loron.   Ne’e mak liafuan korajen nian ne’ebe hatoo husi Secretaria de Estado para Igualdade e Inclusão nu’udar inan no bin ne’ebe mai ona vizita Kolejiu Morano hodi hela hamutuk ho menina sira, fahe ksolok durante oras ida nia laran.

(Ines Bartolo Freitas)