«Ha’u iha Mornese no iha-ne’e prezente Institutu tomak iha ninia dimensaun komunidade mundiál. Iha-ne’e ita hotu moris, ita hotu moris iha-ne’e. Husi ne’e ha’u hakarak to’o iha sikun hotu rai nian, iha-ne’e FMA sira prezente, maibé mós leigu/a, foin-sa’e sira ne’ebé ita to’o iha ita-nia misaun edukativa saleziana. Ha’u to’o ba família Saleziana tomak, Reitór-Mor Don Ángel Artime Fernandez, Salezianu sira, grupu hotu Família Saleziana nian.

Ita mak Institutu ida pretense tomak ba Maria. Don Bosco hakarak ita monument moris gratidaun nian ba Maria Auxiliadora no nia husu ita atu sai ninia “agradesimentu” hanaruk iha tempu.

“Maria la’o iha uma ne’e”

Hanesan Don Bosco haree Nia iha Agostu 1885 iha Nizza Monferrato, Maria kontinua la’o iha uma ne’e. Uma ne’e mak mundu, iha-ne’ebé “FIlha de Maria Auxiliadora” hotu moris daudaun karizma salezianu, iha Kreda mós. Ita sente Maria prezente nafatin iha ita-nia moris. Ita hatene husi Evanjellu Maria nia estilu, Maria la la’o de’it; Maria halai atu bá hasoru ninia oan-mane no oan-feto sira. Ita hanoin ba ninia vizita ba Isabel; ninia disponibilidade, velosidade mós atu hatán ba nesesidade sira iha kazamentu Kaná nian, ninia prezensa hodi akompaña Jezús no dixípulu sira iha sira-nia misaun. Nune’e mak Maria kontinua la’o ho ita, ita la’o hamutuk iha moris baibain loroloron nian. Ita simu konvite atu halo sai konxiente esperiénsia ida-ne’e: la’o ho Maria.

Ita hahú daudaun triéniu preparasaun nian ba selebrasaun tinan 150 Institutu nian. No ita hahú iha-ne’e, iha Mornese. Iha Mornese, iha 5 Agostu 1872 feto-raan sanulu-resin-lima dahuluk konsagra sira-nia an ba Maromak atu dedika sira-nia moris ba foin-sa’e mane no feto kiak. Sira mak uluk liu ba fileira boot ida. Feto-raan liu 33.000 sira seluk iha istória tomak, kontinua hatán ba Maromak nia bolun no saran sira-nia moris atu sai sinál Ninia domin nian ba dfoin-sa’e mane no feto ne’ebé kiak liu iha mundu tomak.

Agradesimentu

Ita hakarak moris triéniu ida-ne’e iha ninia dimensaun oioin. Uluknanai ita hakarak hasa’e agradesimentu: agradese… agradese Na’i ba NInia kmanek tomak. Ita mak sasin kona-ba sinál wain ninia domini ha ita-nia moris, ita-nia istória, ita-nia misaun. Agradese ba Institutu nia moris, agradese ba fekundidade misaun nian iha mundu tomak iha tinan 150 nia laran. Agradese bai ta-nia vokasaun agradese tanba ita sai família mundiál boot ida edukadora, edukadór sira-nian, ne’ebé la’o ho povu ida foin-sa’e sira-nian iha mundu edukasaun nian. Tinan 2019-2020 la sai de’it tinan ida “hasa’e agradese” nian ida maibé mós sai ema “agradesimentu” nian. Sai agradesmentu permanente. Maria tulun ita atu hasa’e hahí ba Maromak iha momentu ida-idak ita-nia moris loroloron nian. Nune’e ita bele forma foin-sa’e mane no feto sira, atu sira mós sai foin-sa’e sira nakonu ho gratiduan, atu bele komunika ba foin-sa’e sira seluk valór boot ida-ne’e.

A te le affido

Depoizde hasa’e agradesimentu, etapa daruak ita-nia triéniu preparasaun nian ba selebrasaun tinan 150 nian, 2020-2021, konvite mai ita atu simu filafali entrega misionária: “A te le affido”. Simu misaun ne’ebé Na’i konfia mai ita. Simu foin-sa’e mane no feto ohin nian, miléniu datoluk ne’e nian, atu buka hatán, ho sira, ba sira-nia nesesidad kle’an liu, urjente liu, no ho sira, hatán ho ksolok, ho paixaun, ho paixaun da mihi animas cetera tolle,ho ahi iha fuan. Iha tinan ne’e ita sei hala’o Kapítulu Jerál. Eventu ida-ne’e sei sai oportunidade id aba Institutu tomak, atu simu hikas fali, hamutuk, entrega ida-ne’e “A te le affido”, foin-sa’e feto no mane sira miléniu datoluk nian.

Misionariedade profétika

Dalan ne’e sei kontinu iha 2021-2022 ne’ebé lori it aba selebrasaun boot. Ita hakarak moris iha espíritu misionáriu, misionariedade profétika ida. Institutu moris mai nu’udar misionáriu. Ita hanoin hetan katak Irmán hotu iha Mornese hakarak sai misionária. Misionariedade mak ahi ida iha “Filha de Maria Auxiliadora” ida-idak nia fuan, ne’ebé lori ita atu ariska ita-nia moris, atu sai barani, atu la ta’uk ba mudansa sira, atu sai nakloke ba dezafiu foun sira kontemporaneidade nian. Furak liu se iha selebrasaun tinan 150 nian, ita hotu no ita ida-idak sente iha fuan forsa ida-ne’e, impulse ida-ne’e, bolun misionáriu; no la’ós de’it simu iha nia fuan maibé bele fahe, hadaet ba foin-sa’e barak, nune’e sira mós bele sai misionária/u iha sira-nia kontemporáneu nia leet, iha foin-sa’e barak nia leet iha mundu tomak.

Ita prezente iha parte barak mundu nian, maibé iha mundu sei iha fatin barak iha-ne’ebé prezensa Kreda nian fraku liu, iha-ne’ebé labarik barak, foin-sa’e sira, família sira, kuran edukadór/a, evanjelizadór/a. Karizma salezianu moris atu habelar. Iha vokasaun ida espansaun nian…

Ita halo votus atu iha dalan ne’e, atu fó hikas moris, fó forsa ba kbiit karizmátika ida-ne’e. Ita konfia ba Maria Auxiliadora, ba Madre Mazzarello, ba Don Bosco, ba Família Saleziana tomak present eiha Lalehan, atu akompaña ita, atu ita bele sai Família ida haksolok, kontente, hadaet fiar, esperansa no domin nian.

Ha’u deklara nakloke triéniu preparasaun nian ba selebrasaun tinan 150 Institutu FMA nian».

Link video https://youtu.be/Pg7rIL1tP74