Papa Francisco iha Angelus 2-3-2014

 

Papa Francisco fó hanoin katak Kuarezma mak “dalan konversaun nian, luta hasoru aat, ho kilat sira orasaun, jejún, mizerikórdia nian”.

Molok Angelus, Papa komenta liturjia domingu ne’e nian. Tuir Papa Francisco liturjia ne.e evoka “lialoos ia ne’ebé fó konsolasaun: Divina Providénsia”.

Providénsia bele haree hanesan iluzória ba ema ne’ebé moris iha situasaun prekariedade no moris mukit nian, maibé Jezús nia liafuan atuál tebes, no fó hanoin katak ita labele serví patraun rua: Maromak no rikusoin.

 

“Enkuantu ema ida-idak buka akumula ba an rasik, sei nunka iha justisa. Se, iha kontráriu, hodi konfia iha Maromak nia providénsia, it abuka hamutuk ninia Reinu, entaun sei la kuran buat nesesáriu ba ema ida atu moris ho dignidade”.

“Fuan ne’ebé okupa ho kaan atu soi mak fuan mamuk husi Maromak”, Amu-Papa dehan. “Fuan ne’ebé rikusoin mak nakonu, la iha fatin ba fiar”. Papa Francisco destaka katak hodi fó fatin ne’ebé kompete ba Maromak, fatin dahuluk, mak ita bele partilla soin sira ho ema ne’ebé presiza, ba servisu projetu sira solidariedade no dezenvolvimentu nian.

“Dalan ne’ebé Jezús hatudu bele parese ladún realista, haree ho mentalidad ekomún no problema sira krize ekonómika nian, maibé, hodi hanoin didi’ak,  nia lori ita ba eskala justa valór sira-nian. Jezús dehan: ‘Moris la folin liu fali ai-han, liufali hatais?’ Atu ema ida la kuran ai-han, bee, hatais, uma, serbisu, saude presiza atu ita rekoñese an nu’udar Aman iha Lalehan nia oan sira, nune’e maun no biin-alin entre ita, no komporta an iha konformidade”.

Amu-Papa konklui hodi hanoin tema Loron Mundiál Dame nian, selebra iha 1 Janeiru: “Fraternidade, fundamentu no dalan bá dame”, hodi dirije ninia matan ba Na’i-Feto, Maria Inan divina providénsia nian. Ba nia ita konfia ita-nia ezisténsia, Igreja no umanidade nia dalan. Hotu tiha Angelus, Amu-Papa husu atu harohan ba Ukraina ne’ebé sei iha krize nia laran.