Husi Ir Angelita Gomes

 

 

Venilale – Ohin, Domingo dia 2 de marco 2014, Madres sira no Pre-aspirante husi Komunidade Maria Ausiliadora Venilale loke Oratorio iha Centro Tolu: Lia-Oli, Waibu’a no Orfanato Venilale. Oratorio hahu tiha ona iha fulan rua liuba maibe ohin loron importante tebes tamba loke Ofisialmente Oratorio iha centru 3 ne’e.

Iha tinan ida ne’e, Ir. Agata no Ir.Esmeralda hahu ba halibur labarik no foinsae sira iha Wai-bu’a. Oratorio wai-bu’a mak Oratorio Centro foun ne’ebe tinan ida ne’e Komunidade Maria Ausilaidora hakarak loke tan ba necesidades ne’ebe katekista no mestre sira husi Wai-Bua rikiesta. Iha labarik no foinsae sira besik 200 ne’ebe mai partesipa iha loron loke oratorio ne’e. iha jogus barak no premio barak atu fo ksolok ba oratoriano sira hotu. Ir.Tania, Superiora Komunidade haksolok tebes ho eventu ne’e no husu ba labarik no foinsae sira atu aproveita didiak tempu Oratorio ba kreximentu espiritual, amizade ho maluk sira no Jesus. Molok fahe malu hotu-hotu simu merenda paun ne’ebe prepara ona ho ksolok husi irman sira.  Oratorianos balun lori mos kontribuisaun merenda atu fahe hamutuk.