Papa Francisco fó hanoin katak unsaun ba ema moras sira mak sakramentu Maormak nia kompaixaun ba sofrimentu umanu

Sakramentu Mina-sarani. Ne’e mak sakramentu ne’ebé Papa Francisco reflete, iha katekeze kuarta, 26, iha Prasa S. Pedro. Sakramentu ne’e mak sakramentu Maromak nia kompaixaun nian ba ema nia terus iha momentu moras no idade katuas-ferik, Amu-Papa esplika.

Asesu Katekeze ho lia-portugés

Papa Francisco fó hanoin katak Jezús hanorin ninia eskolante sira atu iha predilesaun hanesan ho Nia ba ema moras no presiza liu, hodi konfia ba sira knaar atu atende sira iha Nia naran liuhusi sakramentu ne’e.

 

“Ksolok atu hatene katak, iha momentu terus nian, ita la mesak. Amululik no komunidade sarani, halibur ho ema ne’ebé terus, haboot ninia fiar no esperansa”, Papa hateten.

Iha konstestu ajuda no kompaixaun ba ema moras sira, Santu Padre sita ezemplu aikanoik Samaritanu Di’ak nian, ne’ebé tau matan ba ema ida terus-na’in hasoru iha dalan. Samaritanu Di’ak kuida ninia kanek sira no, hafoin, konfia nia ba ospedeiru, hodi la hanoin ba gastu sira, atu kontinua kuidadu nian.

“Ora, sé mak ospedeiru ne’e? Igreja, komunidade sarani, ita, ne’ebé, lorloron Na;i Jezús Kristu konfia mai ita sira ne’ebé susar, iha isin no  espíritu, atu it abele kontinua hasuli ba sira leten, lahó sasukat, Ninia mizerikósrdia no salvasaun tomak”.

Sira ne’ebé konsidera sofrimentu no moras nu’udar tabu ida, Amu-Papa fó hanoin katak Jezús hatudu, ho unsaun moras nian, katak ema pertense ba Nia. Iha sentidu ne’e, sakramentu mina-sarani, ita konsidera loos duni, Jezús nia prezensa ne’ebé besik ba ema moras.

“Kristu kaer ita liman no fó hanoin mai ita katak ita pertense ba Nia, katak laiha buat ida nein ema ida, laiha aat ida, mate mós bele haketak ita husi Nia”.