Fuiloro – Husi loron 28 Juñu to’o 4 Jullu, ami hahú Segundu Novisiadu fulan dahuluk nian iha Fuiloro ho tema dahuluk: Orasaun.

Ami hahú iha dia 28 de Juñu ho liafuan bem-vinda husi Me. Ermelinda Gomes, introdusaun husi Me. Alma ne’ebé  husu ba ami idak-idak  atu aproveita momentu ida ne’e nu’udar grasa nian. Liu husu kónferensia sira, reflesaun sira, buka atu avalia ami nia attitude no hahalok sira ne’ebe durante tinan 5 nia laran ne’e buat ne’ebé ami estuda iha Noviziadu tulun duni ami atu moris tuir Cristo nu’udar FMA?

Reflesaun ba semana dahuluk nian mak orasaun.

Iha introdusaun Ir. Alexandrina aprezenta katak iha reflesaun sira ne’e sei reflete kona ba personajem sira ne’ebe iha esperiénsia barak kona ba orasaun hafoin ita konfronta ho artigu sira iha Konstitusaun. Puntu referimentu ba ami nia reflesaun ba Konstitusaun no Biblia.

Orasaun mak ita nia dialogo íntimu ho Maromak, tulun ita atu kuñese Cristo nune’e hadomi liu tan Nia. Ita nia orasaun tenki lori ita atu konfigura-an ho Cristo, iha transformasaun de vida, iha laran manas ba Misaun. Konvida ami atu reflete tema sira ne’e no hodi konfronta ho artigu sira iha Konstitusaun.

Tema ba lor-loron mak hanesan:

• Loron dahuluk; Komuñaun ho Maromak: iha Espirito Santo. Konfronta ho Konst. artigu 37, 39, 3.
• Komuñaun ho Maromak-iha Cristo no Nia Lia fuan (Lectio Divina) Artigu 39, 2
• Eukaristia: “Orasaun nia hun no tutun”, artigu 40, 1.
• Na’i-Feto nia orasaun; “Magnificat” Artigu 4
• Ita nia Fundadores sira nia orasaun, konfronta ho artigu 38, 48 no apéndise pg 417.

Dader iha konferénsia ida, Lectio Divina no loron kraik iha konferénsia ida tan hafoin halo sharing. Kada konferénsia Madre Alexandrina fo nafatin perguntas atu ami bele konfronta hafoin sharing. No orasaun sira iha Tersu no Adorasaun ne’ebé animadu tulun tebes ami atu hare no hafoun fali ami nia empeñu pessoal sira no liu-liu tau matan didi’ak ba ami nia vida orasaun.

Se halo orasaun di’ak tulun ita atu hadomi liu tan Cristo no hala’o didi’ak knar sira iha moris lor-loron.  Se ita nia komuñaun ho Cristo klean  lori ita atu iha komuñaun ho ita nia irmã sira iha komunidade no iha misaun.

Reflesaun dahuluk ne’e taka ho selebrasaun no Peregrinasaun ba Peykara.

(Irmã sira, Maria Natalina, Martinha, Honoria no Sherly)