Dili – Festa agradesimentu mak espresaun ksolok no domin nian ne’ebe membro komunidade ida-idak hato’o ba malu, atu rekoñese diak hotu ne’ebe sira fahe ba malu durante tinan tomak. Nune’e ohin loron Sábado, 29 Juñu, Komunidade São José Komoro –Dili.

Selebra Festa Agradesimentu komunidade nian ho Tema  ” Obrigada: Ita lao hamutuk mak dalan Santidade”. Ho ksolok bo’ot komunidade hahu nia Loron furak ne’e ho selebrasaun Eukaristia hamutuk ho festa  Solenidade São Pedro no São Paulo nian. Hateke fali ba istória Kreda nian São Pedro no São Paulo mak Airin Kreda nian, iha komunidade Irman Diretora mak airin komunidade nian. Nune’e Santu bo’ot rua ne’e lori Kreda ba oin ho sarani dahuluk sira, iha komunidade ida ne’e fiar katak tinan tomak nia laran ho ksolok no domin lao hamutuk iha esperiensia furak sira hodi lori komunidade to’o momentu ida ne’e, iha ne’ebe sira bele dehan ba malu lia fuan         ” Obrigada, Grazie, Gracias no Dziękuję”  ba malu.

Molok to’o iha loron ne’e, hahu dia 20 Juñu reza ba kolaboradores sira, dia 21- reza ba foin sae no labarik sira, dia 22-reza ba Padre sira ne’ebe suport a komunidade iha vida Espiritual, dia 23- reza ba Novisa I Ano nain 4, dia 24- reza ba Novisa II ano sira, dia 25 -27 ba FMA sira, dia 28-reza ba Diretora, dia 29 ohin Reza ba hotu. Iha meio dia han hamutuk ho trabalhadores sira, loraik iha tersu ne’ebe no orasaun kalan especial no kontinua ho han kalan no recreio animado. Loron tuir mai Komunidade sei kontinua festa ida ne’e ho passeio hamutuk. Fuan ne’ebe hatene hadomi mak fuan ne’ebe hatene agradese. Obrigada barak.

(Noémia de Deus)