Fuiloro, 24 Juñu 2019 iha loron Solenidade Saun Joaun Baptsta nian no loron ne’e mos monu iha loron Komemorasaun Maria Auxiliadora, Komunidade Morano foti loron ne’e sai loron Agadesimentu komuniadade nian ho tema “Agradese mak ksolok ne’ebé suli husi fuan”. Preparasaun ba festa ne’e hahu  reza iha loron 17 juñu to’o 24 Juñu, semana ida nia laran hodi reza ba komunidade nia presiza liu-liu ba Irman ida-idak ne’ebé hela hamutuk iha komunidade durante tinan ida ne’e nia laran, ba kolaboradores no profesores, Benfeitores, ADMA, Antigas alunas, Komunidade SDB, Oratoriano  no mos animadores sira ne’ebé tulun ami atu hakmaan ami nia kna’ar sira iha ami nia misaun. Ba di’ak hotu ne’ebé  komunidade simu husi ema ida-idak ami hahi no agradese liu husi Eukaristia santa ne’ebé preside husi padre Antonio Transfiguração Pinto, sdb. Iha omilia ba festa ne’e  uluk nanain agadese ba Don moris nian ne’ebé ita ida-idak simu husi Maromak, ba Madre Superiora Madre Ermelinda Gomes, FMA, ba ita ida-idak nia serbisu hamutuk  no misaun ne’ebé ita kolabora no fahe hamutu ba salvasaun klamar sira nian. Iha parte seluk mos koalia kona Baptista nia karakteristika  4 mak hanesan:

1. Nia ema ne’ebé nakonu ho moris ho enerjia makaas hodi halo buat di’ak barak iha moris,
2. Disiplina an makaas, ne’e virtude ida atu bele obedese ba norma no regra sira nu’nee bele kontrola an di’ak.
3. Haraik an, ita rona iha Evanjellu ne’ebé: nia rasik dehan: ida ne’ebé sei mai, Nia makaas liu hau, hau la soi atu kore nia sandalias  Haraik an ne’e lahatudu  an makaas, katak hau mak di’ak liu ema seluk, maibe hatudu  simplidade iha serbisu makaas
4. Nia mos profeta dezertu nian, laiha buat ida atu bele han naran katak nia bele hasoru Maromak hodi haklaken Nia liafuan.

Ikus liu mak konfraternizasaun hamutuk,  hafoin mak fahe ksolok no amizade liu husi Drama simples  ne’ebé koalia kona ba Maromak nia Kriasaun dahuluk no mos kusi sana rai ne’ebé  badaen sana rai halo ho nia liman  hodi sai kusi ida furak nu’dar prezente ida. Ne’e mak tema  ne’ebé foti  husi Preparasaun Kapitulu Jeral XXIV  nian, hafoin mak taka ho divertimentu oin –oin husi menina Kolejíu  Morano Fuiloro.

(Ines Bartolo Freitas)