Revista Tatoli Setembru / Dezembru 2018

Editoriál: Tatoli no ita

Tatoli edisaun ikus 2018 nian, hakarak fahe uitoan kona-ba Ámbitu Komunikasaun Sosiál ninia avaliasaun kona-ba Revista ida-ne’e. Ami haree katak, ekipa iha esforsu maka’as atu prepara Revista ida-ne’e liu-husi ida-idak nia knaar hanesan prepara artigu, tradús, edita, imprime no fahe. Difisil liu atu prepara materiál iha tetun, maski nune’e Tatoli sei moris nafatin.

Ba tinan oin ami sei hamenus edisaun sira ba dala tolu de’it no ho kolaborasaun husi ámbitu sira seluk, hodi prepara artigu sira ba dala tolu mós.

Ami hatene katak, esforsu ne’e atu tulun iha formasaun no apresia tebes Irmán sira ne’ebé valoriza nia, maski tuir ami-nia avaliasaun enjerál, ita ladún iha kultura lee.

Ami husu mós ba komunidade ida-idak atu iha ninia referente ba ámbitu komunikasaun sosiál mós, nune’e bele hala’o knar atu habelar informasaun kona-ba ita-nia moris nu’udar FMA no halo sai vizivel buat di’ak ita halo.

Votos Tinan Foun nakonu ho Santidade moris loroloron nian.