Baucau – Husi dia 25-26 de Maio Ambitu Ad Gentes realiza Kampu Santidade ba OPIAM sira husi parte Leste nian. Kampu ida ne’e realiza iha Parokia Sagrado Coração Villa-Nova Baucau.

Kampu Santidade ne’e maioria mai husi ita nia komunidade sira, tan sira hetan ona formasaun kona ba Santo Adolesente sira. No husi Parokia Sagrado Coração Villa-Nova Baucau nian haruka representante nain 20 husi Sentru sira hanesan, Caibada, Bucoli, Triloka, Wailili, Villa Nova nune’e partesipantes hamutuk 300 pesoas. Kampu husi ho registrasaun, no fahe ba fatin 6 tuir santo Adolesente nain 6: S. Domingos Savio, S.Tarciso, S.Maria Goretti, S. Francisco Marto, S.Jacinta Marto no Beata Laura Vicuina. Dia 25 loraik tomak halo formasaun no taka ho ahi klobor. Loron daruak hahu ho Misa hamutuk ho sarani sira Villa Nova nian.

Missa preside husi Amo Bispo Basilio, nia fo reflesaun kona ba Liturgia Domingo nian maibe nia remata hodi konvida labarik sira atu aprende sai missionaria iha sira nia hela fatin.

Depois de Misa kontinua  ho formasaun ida-idak ba sira nia fatin no prepara atu ba haklaken. Hare katak labarik sira haklean duni Santo sira nia moris. Sira nia moris ho ida-idak nia motto, tan sa  mak sira mate  ho idade kiik, virtude sira ne’ebé  sira halo to’o lori sira sai santu.

Sira kontente no promete atu moris tuir sira nia hahalok. Liu husi sharing ne’ebé halo ho entuziasmu ita bele hare katak sira gosta santo adolesente sira nia moris. Ita hein ke sira tulun sira iha sira nia moris lor-loron. Wainhira ita kuda fini santidade iha base bele haburas liu tan deit wainhira sira to’o iha idade foin-sa’e nian.

Haklaken hotu tiha sira ida-idak ba hamutuk  fali  ho ida-idak nia sentru  hodi halo sira nia empenu atu moris tuir wainhira sira fila ba uma. Hafoin remata hodi agradese ba Amo Paroko Villa Nova ho nia konselu tomak ne’ebe durante atividade ne’e la’o sira nafatin marka presenza hodi supporta ami. Agradese ba estudantes Secundaria Catolica Villa Nova ne’ebé prepara sira nia aulas hotu ba OPIAM sira. Agradese ba senhora sira ne’ebé hola fatin Marta nian hodi prepara didiak hahan sira, atu bele fo han ba OPIAM iha kalan ida no loron rua nia laran.

Taka ho dansa agradesimentu nian ne’ebe husi OPIAM Laga. Ami nia agradese ba imi nia domin no sakrifisiu mak ami nia sforsu atu sai diak. Husi OPIAM sira hotu.

Nota:

• Formasaun ba Zona Dili nian sei hala’o iha dia 5-6 de Juñu.
• Material kona ba labarik Santo Adolesente sira nia moris, ámbitu iha kompletu, ba sira ne’ebe prezisa bele husu. Ami kontente hodi fahe,

(Alexandrina Pinto)