Cailaco (Maliana) – “Santidade ba ó mós”.  Ne’e mak tema furak ne’ebé sei reflete hamutuk  durante loron tolu, husi loron 22-24 Maiu, loron Maria Auxiliadora nian.

Labarik no foin-sa’e sira hamutuk besik atus tolu simu konvokasuan grasa ida-ne’e: hanoin fali bolun batizmu nian. Sira mai husi bairru hotu iha Cailaco no periferia sira no més reprezentante sira husi eskola sira iha Cailaco. Iha loron primeiru sira hahú hodi fahe ba grupu ida-idak ho ninia tenda rasik. Kada tenda hamutuk  ema na’in 10. Kada tenda hotu foti santu ida atu sai sira nia padroeira/u no sira haka’as an atu hakle’an santu sira nia moris. Iha biban nee Ir. Julia mak anima foin-sa’e sira ho atividade oioin kona-ba santu sira nia moris ne’ebé nia kontinuasaun sei halo iha aban dadeer. Furak tebes tanba labarik no foin-sa’e sira partisipa ho entuziasmu tebes.

Camping sei remata ho selebrasaun solenidade Maria Auxiliadora, prezide husi Bispu dioseze Maliana, D. Norberto de Araújo.

(Albina do Carmo)