Papa Francisco nia katekeze – 5 Fevereiru 2014

RV – Eukaristia mak sai sentru Papa Francisco nia katekeze iha audiénsia jerál kuarta, 5 Fevereiru 2014, iha Prasa S. Pedro. Amu-Papa kontinua ninia siklu katekeze nian kona-ba sakramentu sira, hodi destaka katak Eukaristia mak sakramentu inisiasaun kristán nian, hamutuk ho Batizmu no Krisma.

Asesu Katekeze ho lia-portugés

 

Papa Francisco deskreve senáriu Misa nian: altár, toalla, krús ne’ebé hatudu sakrifísiu Kristu hasa’e iha altar krús nian. Iha Misa Paun no Liafuan sai ia de’it, hanesan iha Han-Kalan Ikus nian, bainhira Jezús nia liafuan hotu konsentra iha nia jestu silu paun no oferese tua.  “Jezús nia jestu, iha Han Han-Kalan Ikus, mak agradesimentu aas liu ba Aman nia domin no laran-sadia

 

Santu Padre resalta mós katak Selebrasaun Eukaristia nian la’ós hahán simples ida, maibé memória Kristu nia sakrifísiu. Memória ida, la’ós rekordasaun simples ida. “Katak, kadavez mak ita selebra Sakramentu ne’e, ita partisipa iha Paixaun, Mate no  Moris-Hi’as Kristu nian. Eukaristia konstitui vértise asaun salvasaun Maromak nian”.

Ho forma ne’e, Amu-Papa hatutan, ita bele ona koko iha rai, komuñaun ho Aman. Sakramentu ne’e boot tebes, tan ne’e Amu-Papa ratifika importánsia atu bá Misa domingu-domingu.

“Ita nunka bele agradese natón Na’i ba don ne’ebé nia halo mai ita ho Eukaristia. Ne’e mak don ida boot liu, tanba ne’e importante tebes bá Misa iha domingu-domingu, la’ós de’it atu harohan, maibé atu simu komuñaun, Paun Kristu nia Isin ne’ebé salva ita, perdua, halo ita sai ida ho Aman. Furak tebes halo ida-ne’e!”

Dalan fiar nian ida-ne’e hahú iha primeira komuñaun. Tanba ne’e, Papa Francisco defende importánsia preparasaun di’ak ba labarik sira ba sakramentu ne’e, nu’udar ain-hakat dahuluk ba hola parte ba Kristu, hamutuk ho Batizmu no Krisma.