Venilale – Tinan-tinan Escola Hotelaria e Turismo S. Maria Mazzarello halo niinia padroeira nia festa hamutuk ho inan-aman ba loron rua, husi 11-12 Maiu 2019. Festa sai oportunidade atu halo formasaun hamutuk no tinan ne’e, hodi la’o hamutuk ho “Estréia Reitór Mór nian kona-ba Santidade”, Komunidade Edukativa propoin “Mornese Camp”  atu aprende husi Maria Mazzarello ninia segredu ba santidade. Inan-aman fahe ba grupu lima hamutuk ho sira-nia oan: Mazzarelli, Valponasca-Valgelatta, Casa Imaculada, Colegio no Nizza. Husi ne’e, foin-sa’e sira nu’udar oan no adultu sira nu’udar inan-aman foti sira-nia empeñu hoti tuir Madre Mazzarello nia ain-fatin.

Tuirmai ami haktuir saida mak grupu ida-idak fahe iha tempu orasaun hamutuk:

1.Reflesaun husi   grupu Mazarelli 

Ami rona istória Madre Mazzarello, wainhira sei ki’ik furak tebes  mai ami Inan no Aman tamba nia iha família agrikultor hanesan mós ami. Nia inan naran Madalena Calcagno nia aman naran Jose Mazzarello sira oan hamutuk 12 Mazzarello mak feto bo’ot iha família laran Maria Mazzarello nia sei ki’ik kedas nia aprende husi família kuda klima fiar nian iha Maromak katak apresia natureza nebe Maromak halo. wainhira nia tinan sei ki’ik nia halo pergunta ba nia papá dehan: “Papá, Maromak halo saida molok hakiak mundu?’’   nia papá hatan Maromak hadomi nia an , kontempla nia an, no adora nia an. Husi istória sira MM nia halo ami iha família atu hatan sin  hanesan Madre Mazzerello dehan sin a vida, sin a fe, sin a provação. Nune’e ho Madre Mazzarello nia moris fo korajen mai ami inan-aman  iha ami nia moris lor-loron hanoin  nafatin Maromak  iha ami nia fiar sarani no brani hasoru  susar sira maski iha  dezafiu oin-oin hanesan mós Mazzarello maski hasoru  susar oin-oin maibé tau laran metin nafatin ba Maromak.

a. Empeñu nu’udar Inan no Aman

• Iha dezeju atu eduka oan sira
• Hakarak atu oan sira sai ema iha futuru
• Haburas fiar sarani iha família laran reza tersu, ba missa.
• Hakarak oan sira sai ezemplu di’ak ba kolega sira seluk.

b. Empeñu nu’udar oan

• Hakarak atu estuda didi’ak atu sai ema di’ak
• Rona inan Aman
• Obedese sira

2. Reflesaun husi grupu Nizza Monferrato

a. Empeñu nu’udar  oan

Buat nebe ami gosta liu mak :

• Oinsá tulun malu ho laran
• Halo buat hotu tuir regra
• Forsa atu hasoru dezafius
• Halo tuir atitude Madre Mazzarello nian
• Pasiénsia iha fatin hotu
• Matan moris Neon Nain
• Laran luak
• Haraik-an
• Responsabilidade
• Onestidade
• Hadomi malu
• Halo tuir ami nia knaar hotu nebe Madre fó.

 b. Reflesaun husi  inan aman: Buat ne’ebé ami gosta liu husi Madre Mazzarello mak serbisu maka’as la sente kolen to’o nia mate; fahe di’ak ne’ebé nia iha ba ema hotu; dedika-an tomak ba misaun ne’ebé nia assume iha nia moris ho sakrifisiu  terus nia la sente kolen no esforsu an nafatin hodi tau matan ba nia Irman sira.

 

3. Reflesaun  husi grupu Valponasca no Valgelata

 a. INAN-AMAN: Moris iha vida kasada hahu husi terus no ho fiar iha Kristu mak haforsa ami hodi hamriik lao ba oin, no liu husi terus hirak ne’e mak ami aprende buat foun iha ami nia moris no mós fahe esperiénsia hirak ne’e ba oan sira.

 b. OAN SIRA: Nu’udar oan buat ne’ebé ami aprende husi Mazzarello nia moris mak:

• Sai Feto ne’ebé maduru
• Halo karidade
• Pasiénsia
• Korajen nafatin
• Troka nia moris husi buat ne’ebé ladi’ak ba buat ne’ebé di’ak
• Iha domin bo’ot ba Jesus no Eukaristia

 

4. Reflesaun badak kona-ba “Colegio” iha parte tolu :

• Komunidade sai hanesan ‘’uma domin Maromak nian’’. Ema sira ne’ebé tama iha kolejiu  sira sente Maromak nia domin liu husi irman idak-idak ne’ebé sira hasoru.
• Komunidade Páskua nian katak Kristu ne’ebé moris hias husi mate ( ksolok) iha kolejiu sira oferese / saran sira nia ba Maromak ho ksolok hodi hasoru foin-sa’e  no labarik sira maibé buat ne’ebé fundamentu ba sira nia ksolok ida ne’e mak Jesus iha eukaristia.
• Komunidade edukativa kompostu husi irman ne’ebé iha arte atu eduka tuir Don Bosco nia sistema ne’ebé hanaran Sistema Preventivu iha baze tolu: Razaun , Relijiaun, no Domin.

Ezemplu mak feto-raan sira Corina Arigotti, Maria Belleti no Emma. Sira mai husi família riku, matenek maibé sira nia edukasaun ne’e menus liu laiha oráriu, maibé Madre sira ne’ebé iha ne’ebá hanorin no tuir sira ho pasiénsia no  eduka sira atu sai ema ne’ebé di’ak.