Fuiloro – Loron 13 Maiu 2019, Komunidade FMA Morano Fuiloro, selebra Festa  Madre Mazzarello nian hamutuk ho familia Salesiana Lospalos- fuiloro. Iha okasiaun ne’e mos familia Salesiana  hatudu ksolok hodi mai partisipa iha Selebrasaun Eukaristia hamutuk ho Irman FMA sira iha Kolejiu  Morano – Fuiloro, hodi agradese Maromak  ba Madre Mazzarello nia Santidade ne’ebé ninia oan sira selebra hodi hanoin no fo agradese ba diak tomak  ne’ebé inan espirtual nee husik to’o ohin loron. Ninia  rikusoin ne’ebé husik  mak Ninia surat/ karta sira ne’ebé fo korajen, konsola, su porta , domin  ne’ebé dudu Irman ida-idak atu buka hadomi deit Nai, ne’ebé hili ami atu serbi Nia liu husi foinsa’e Feto no mane sira iha ami  nia misaun Saleziana.

Molok  tama ba Festa, ami nia komunidade, deside halo Tridum ba Madre Mazzarello, hahu husi loron 10 Maiu too 12 Maiu ho tema sira ne’ebé liga ho Madre Mazzarello  nia karta ne’ebé ami foti durante loron 3 ne’e mak: “ Madre Mazzarello ninia Domin, Haraik-an,  Perdaun, liafuan korajen ba Irman no menina sira no Domin bo’ot ba Jesus no Maria.

Durante Tridum nia laran, iha kalan menina sira hakarak hatudu sira nia ksolok hamutuk ho Madre Mazzarello  halo Konsertu musical ho Musika Mazzarello nian. Menina Kolejiu sira, hatudu sira nia ksolok ho intuziasmu  hodi hatudu sira nia talenta  liu husi hananu Koro no Solista.

Iha loron 13 Maiu mak loron importante festa Madre Mazzarello nian. Partisipa iha Festa ne’e mak: Salesiano sira husi Lospalos, Fuiloro, Antigas Alunas FMA, ADMA, Kolaboradores, Menino husi Eskola Agricula (ETA Fuiloro) no mos ami nia menina kolejiu Morano no profesora sira.

Prezide Missa ba Festa Madre Mazzarello nian mak Padre Transfiguração António Pinto, SDB hamtuk ho pe Isaias, sdb. S

Iha omilia padre Transfiguração foti Madre Mazzarello nia liafuan 2 : “Ninia Haraik an no Domin bo’ot, nu’udar xavi ba ninia esplikasaun.  Feto haraik an no domin boot mak Maromak hili.

Ikus nian taka ho konfratenizasaun  no hatudu drama Madre MAzzarello nian ba Familia Salesiana sira.

(Ines Bartolo Freitas)