Dili- Festa Madre Mazzarello nian seidauk remata. Ba FMA, antigas alunas no ita hotu ne’ebé koñese Madre Mazzarello, fasil mai ita atu haktuir se mak santa ida ne’e, maibé ba sira ne’ebe la koñese susar uituan. Hanesan bainbain fulan ida dala 1, ami iha formasaun ba kursu sira, nune’e ohin, loron 11 Maiu ami aprezenta ba sira Madre Mazzarello.

Aprezentasaun Madre Mazzarello nian ida ne’e hato’o husi Ir. Apolonia Golda no ida ne’ebe tulun mak Ir. Benedita. Iha mós aprezentasaun drama Madre Mazzarello nian ne’ebe hato’o husi menina sira. Hotu tiha iha sharing hafoin grupu ida-idak aprezenta fali sira nia empeñu oinsá bele moris tuir Madre Mazzarello. Loron furak ida ne’e, ami taka ho han no divertimentu hamutuk. Ema hotu haksolok no hetan korajen atu moris tuir Maria Mazzarello nia ezemplu. Tanba nia la’ós ema ida ne’ebe aas liu atu ita to’o; nia mak ema simples, maibé iha domin boot.

(Ivonia Belo)